ಪನ್ನಗ ಅವರ ಮೊದಲ ಯೋಜನೆಯಲ್ಲಿ ಬಹುತಾರಾಗಣವಿದ್ದು, ಐದು ಜನ ಹೀರೋಗಳು ಮತ್ತು ಹೀರೋಯಿನ್ ಗಳು. ಸದ್ಯಕ್ಕೆ ನಟ ಧನಂಜಯ್ ಮತ್ತು ಶ್ರುತಿ ಹರಿಹರನ್ ಅವರನ್ನು ಕೇಳಿಕೊಂಡಿದ್ದು, ಉಳಿದ ತಾರಾಗಣದ ಆಯ್ಕೆಯಲ್ಲಿ ತೊಡಗಿದ್ದಾರೆ. ಮೊದಲನೆಯ ಸಿನೆಮಾದಲ್ಲಿ ಇಷ್ಟು ದೊಡ್ಡ ಹೊರೆ ಹೊತ್ತಿರುವುದೇಕೆ ಎಂದು ಕೇಳಿದರೆ "ನನಗೆ ಮೊದಲಿಂದಲೂ ಹಲವಾರು ಕಥೆಗಳು ಒಗ್ಗೂಡಿರುವ ಸ್ಕ್ರಿಪ್ಟ್ ಎಂದರೆ ಬಹಳ ಇಷ್ಟ. ವಿವಿಧ ಭಾಷೆಗಳಲ್ಲಿ ನನ್ನ ನೆಚ್ಚಿನ ನಿರ್ದೇಶಕರಿದ್ದಾರೆ ಮತ್ತು ಈ ಪ್ರಾಕಾರವನ್ನು ಬಳಸಿರುವ ಎಲ್ಲರ ಮೇಲು ನನಗೆ ಗೌರವವಿದೆ" ಎನ್ನುತ್ತಾರೆ.