ಬಾಲ್ಯದಿಂದಲೂ ಹಾರರ್ ಸಿನೆಮಾಗಳ ಹುಚ್ಚು ಹತ್ತಿಸಿಕೊಂಡಿದ್ದ ಭರತ್, ಅದೇ ಪ್ರಾಕಾರದ ಸಿನೆಮಾ ಮಾಡಲು ಮುಂದಾಗಿರುವುದು ವಿಶೇಷ. ತಾವೇ ಕತೆ ಚಿತ್ರಕಥೆ ಬರೆದಿರುವ ನಿರ್ದೇಶಕ "ನನ್ನ ಹಿನ್ನಲೆ ಬೇರೆಯಿದ್ದರೂ, ನನಗೆ ಸಿನೆಮಾ ಮಾಡುವ ಕನಸು ಮಾತ್ರ ಜೀವಂತವಾಗಿತ್ತು. 'ಒಂದು ಪ್ರಯತ್ನ' ಎಂಬ ಕಿರುಚಿತ್ರವನ್ನು ನಿರ್ದೇಶಿಸಿದ್ದೆ. ನಂತರ ಫೀಚರ್ ಸಿನೆಮಾ ಮಾಡುವ ಆತ್ಮವಿಶ್ವಾಸ ಬಂತು. ನನಗೆ ಎಲ್ಲ ತರಹದ ಸಿನೆಮಾಗಳು ಇಷ್ಟ, ಆದರೆ ಹಾರರ್ ಸಿನೆಮಾಗಳು ನನಗೆ ಹೆಚ್ಚು ಅಚ್ಚು ಮೆಚ್ಚು. ಆದುದರಿಂದ 'ಡೈಯಾನ ಹೌಸ್' ಕನ್ನಡ ಚಿತ್ರರಂಗಕ್ಕೆ ನನ್ನ ಪಾದಾರ್ಪಣೆಯ ಸಿನೆಮಾ ಆಯಿತು" ಎನ್ನುತ್ತಾರೆ.