ಬೆಂಗಳೂರು: ಸತೀಶ್ ನೀನಾಸಂ ಅವರ ಮೊದಲ ಮಾಸ್ ಕಮರ್ಷಿಯಲ್ ಸಿನೆಮಾ ಆಗಲಿದೆ ಎಂದು ಬಣ್ಣಿಸಲಾಗಿರುವ ಸಿನೆಮಾ 'ಟೈಗರ್ ಗಲ್ಲಿ'ಯಲ್ಲಿ, ಐದು ಫೈಟ್ ಗಳಲ್ಲಿ ಭಾಗಿಯಾಗಿರುವುದಲ್ಲದೆ ಟಪಾಂಗುಚ್ಚಿ ಶೈಲಿಯ ಕುಣಿತದಲ್ಲಿಯೂ ಸತೀಶ್ ಹೆಜ್ಜೆ ಹಾಕಿದ್ದಾರೆ.
ಈ ನೃತ್ಯ ದೃಶ್ಯದ ಫೋಟೋ ಈಗ ಲಭ್ಯವಾಗಿದ್ದು ಸತೀಶ್ ಮತ್ತು ಭಾವನಾ ಲುಂಗಿ ತೊಟ್ಟು ಹೆಜ್ಜೆ ಹಾಕುತ್ತಿರುವುದು ಗೋಚರವಾಗಿದೆ. ಇದು 'ಚೆನ್ನೈ ಎಕ್ಸ್ಪ್ರೆಸ್' ಸಿನೆಮಾದಲ್ಲಿ ಶಾರುಖ್ ಖಾನ್ ಮತ್ತು ದೀಪಿಕಾ ಪಡುಕೋಣೆ ಮಾಡಿದ ಲುಂಗಿ ಡ್ಯಾನ್ಸ್ ಮಾದರಿಯದ್ದೇ ಎಂಬ ಸಂದೇಹ ಕೂಡ ಮೂಡುತ್ತದೆ.
ಈ ಹಾಡು ಮೆಲೋಡ್ರಾಮಾಟಿಕ್ ಎನ್ನುವ ಸತೀಶ್ ಸಿನೆಮಾದಲ್ಲಿ ವಿಶಿಷ್ಟವಾಗಿ ನಿಲ್ಲುತ್ತದೆ ಎಂದಿದ್ದಾರೆ. "ಉತ್ತರ ಕನ್ನಡ ಮತ್ತು ಮಂಡ್ಯ ಆಡು ಭಾಷೆಯಲ್ಲಿ ಕೆ ವಿ ರಾಜು ಗೀತರಚನೆ ಮಾಡಿದ್ದಾರೆ" ಎಂದು ತಿಳಿಸುತ್ತಾರೆ ನಟ.
