ಚಿತ್ರ ನಿರ್ದೇಶನಕ್ಕೆ ತೊಡಗುವ ಮುನ್ನ ರಿಷಿಕಾ ಆದರ್ಶ್ ಎಚ್ ಈಶ್ವರಪ್ಪ ಅವರ ಕೈಕೆಳಗೆ ಸಹಾಯಕ ನಿರ್ದೇಶಕಿಯಾಗಿ ಕೆಲಸ ಮಾಡಿದ್ದರು.ಬಿಇ, ಎಂಟೆಕ್ ಮಾಡಿರುವ ರಿಷಿಕಾ ನಿರ್ದೇಶನ, ನಟನೆಗಳಲ್ಲಿ ಪರಿಣತಿ ಸಾಧಿಸುವ ಸಲುವಾಗಿ ಕಿರುತೆರೆಯತ್ತ ಮುಖ ಮಾಡಿದ್ದರು. ಚರಣಾದಾಸಿ, ಸರಸ್ವತಿ ಮತ್ತು ಭಾರತಿ. ಧಾರಾವಾಹಿಗಳಲ್ಲಿ ಅವರು ದ್ವಿತೀಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದರು. ಇದಾದ ಬಳಿಕ ಬೆಳ್ಳಿತೆರೆಯಲ್ಲಿ ನಟನೆಗೆ ತೊಡಗಿದ ಈಕೆ ವಾಸ್ಕೊಡಗಾಮಾ, ಸೈಕೋ ಶಂಕರ್ ಚಿತ್ರಗಳಲ್ಲಿ ನಟಿಸಿದ್ದರು,. ಅಲ್ಲದೆ ಸುಮನಾ ಕಿತ್ತೂರ್ ನಿರ್ದೇಶನದ ಕಿರುಗೂರಿನ ಗಯ್ಯಾಳಿಗಳು ಚಿತ್ರದಲ್ಲಿಯೂ ಅವರು ಸಣ್ಣ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.