ತಾಯಿಯಾಗುತ್ತಿರುವ 'ವಿಲನ್' ನಾಯಕಿ ಆಮಿ ಎಂಗೇಜ್‍ಮೆಂಟ್ ಫಿಕ್ಸ್

ಬೆಂಗಳುರು: "ದಿ ವಿಲನ್" ಬೆಡಗಿ ಆಮಿ ಜಾಕ್ಸನ್ ತಮ್ಮ ಪ್ರಿಯಕರನೊಡನೆ ನಿಶ್ಚಿತಾರ್ಥಕ್ಕೆ ಅಣಿಯಾಗಿದ್ದಾರೆ. ಆಮಿ ಜಾಕ್ಸನ್ ಮೇ 5ರಂದು ಲಂಡನ್‍ನಲ್ಲಿ  ಪ್ರಿಯಕರ ಜಾರ್ಜ್ ಪನಯೌಟು  ಅವರೊಡನೆ ನಿಶ್ಚಿತಾರ್ಥ ಮಾಡಿಕೊಳ್ಲಲಿದ್ದಾರೆ.

ಇತ್ತೀಚೆಗೆ ತಾವು ಆದಷ್ಟು ಶೀಘ್ರ ತಾಯಿಯಾಗಬೇಕೆಂದು ಹಂಬಲಿಸುತ್ತಿರುವುದಾಗಿ ಹೇಳೊಕೊಂಡ ಆಮಿ ಆಕೆ  "ಗರ್ಭಿಣಿ" ಆಗಿದ್ದಾಳೆಂದು ಬಹಿರಂಗಪಡಿಸಿದ್ದರು.

ಇನ್ನು ಇದೇ 2019 ಜನವರಿ 1ರಂದು ತಮ್ಮ ಗೆಳೆಯ ಪನಯೌಟು  ಅವರೊಡನೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು ಇದರ ಫೋಟೋವನ್ನು ಇಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿದ್ದರು. ಆದರೆ ಈಗ ಮತ್ತೆ ಮೇ 5ರಂದು ಅಧಿಕೃತವಾಗಿ ವಿವಾಹ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ. ಈ ಜೋಡಿ ಮುಂದಿನ ವರ್ಷ 2020ಕ್ಕೆ ವಿವಾಹ ಬಂಧನಕ್ಕೆ ಒಳಗಾಗಲಿದೆ.

"ನಾವು ನಮ್ಮ ನಿಶ್ಚಿತಾರ್ಥದ ಸಂಭ್ರಮದಲ್ಲಿ ಭಾಗವಹಿಸಲು ಹಾಗೂ ಬೇಸಿಗೆಯನ್ನು ಅಧಿಕೃತವಾಗಿ ಸ್ವಾಗತಿಸಲು ನಿಮ್ಮನ್ನು ಪ್ರೀತಿಯಿಂದ ಆಹ್ವಾನಿಸುತ್ತೇವೆ" ಎಂದು ಆಮಿ ಸಾಮಾಜಿಕ ತಾಣದಲ್ಲಿ ಬರೆದುಕೊಂಡಿದ್ದಾರೆ.