ನಟ ಧನ್ವೀರ್ ಅವರ ಎರಡನೇ ಚಿತ್ರ "ಬಂಪರ್" ಗೆ ನಿರ್ದೇಶಕರು ಸಿಕ್ಕಿದ್ದಾರೆ. ಸುಪ್ರಿತ್ ನಿರ್ಮಾಣದ ಈ ಚಿತ್ರವನ್ನು ಹರಿ ಸಂತೋಷ್ ನಿರ್ದೇಶಿಸುವುದು ಪಕ್ಕಾ ಆಗಿದೆ.
ಈ ಚಿತ್ರಕ್ಕೆ ನಿರ್ದೇಶಕ ಚೇತನ್ ಕುಮಾರ್ ಚಿತ್ರಕಥೆ, ಸಂಭಾಷಣೆ ಬರೆದಿದ್ದರೆ ಅಲೆಮಾರು ಸಂತು ಎಂದು ಖ್ಯಾತವಾಗಿರುವ ಕಡೆಯ ಬಾರಿಗೆ "ಕಾಲೇಜ್ ಕುಮಾರ್" ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ಹರಿ ಸಂತೋಷ್ ಈ ಚಿತ್ರದ ನಿರ್ದೇಶಕರಗಿ ಆಯ್ಕೆಯಾಗಿದ್ದಾರೆ.
"ಬಂಪರ್" ಚಿತ್ರವನ್ನು ತಮಿಳು, ತೆಲುಗಿನಲ್ಲಿ ಸಹ ರಿಮೇಕ್ ಮಾಡಲಾಗುತ್ತಿದೆ.ರಾಜವರ್ದನ್ ಅಭಿನಯದ "ಬಿಚ್ಚುಗತ್ತಿ ಚಾಪ್ಟರ್-೧"ಚಿತ್ರದ ಚಿತ್ರೀಕರಣವನ್ನು ನಿರ್ದೇಶಕರು ಪೂರ್ಣಗೊಳಿಸಿದ್ದಾರೆ, ಇದು ಈಗ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದ್ದು ನಿರ್ದೇಶಕರು ತಾವೀಗ ಧನ್ವೀರ್ ಚಿತ್ರದ ಉಸ್ತುವಾರಿ ಹೊರಲಿದ್ದಾರೆ.
ಇನ್ನು ಸೆಪ್ಟೆಂಬರ್ 8ಕ್ಕೆ ನಟ ಧನ್ವೀರ್ ಜನ್ಮದಿನವಿದ್ದು ಅಂದು ಈ ಸಂಬಂಧ ಅಧಿಕೃತ ಪ್ರಕಟಣೆ ಹೊರಬೀಳಲಿದೆ.ಇನ್ನು ಈ ಚಿತ್ರ ಒಂದು ಫ್ಯಾಮಿಲಿ ಎಂಟರ್ಟೈನರ್ ಎಂದು ಹೇಳಲಾಗುತ್ತಿದೆ. ಸಧ್ಯ ಚಿತ್ರತಂಡ ಉಳಿದ ಪಾತ್ರವರ್ಗಕ್ಕಾಗಿ ನಟ ನಟಿಯರ ಆಯ್ಕೆಯಲ್ಲಿ ತೊಡಗಿಕೊಂಡಿದೆ.
Advertisement