ನೋಟು ಅಮಾನ್ಯೀಕರಣ ಕುರಿತ ಕಥೆಯುಳ್ಳ 'ರಕ್ಕಂ' ಸಿನಿಮಾ ಈ ವಾರ ಬಿಡುಗಡೆ!

ಚಂದನವನದಲ್ಲಿ ಈಗ ಬ್ಯಾಕ್​ ಟು ಬ್ಯಾಕ್​ ಸಿನಿಮಾಗಳು ಬಿಡುಗಡೆ ಆಗುತ್ತಿವೆ. ಸೂಕ್ತ ರಿಲೀಸ್​ ದಿನಾಂಕಕ್ಕಾಗಿ ಎಲ್ಲ ಚಿತ್ರತಂಡಗಳು ಪ್ರಯತ್ನಿಸುತ್ತಿವೆ. ಜುಲೈ 28 ವಿಕ್ರಾಂತ್​ ರೋಣ ಚಿತ್ರ ಬಿಡುಗಡೆ ಆಗಲಿದೆ. ಮರುದಿನವೇ ಅಂದರೆ, ಜುಲೈ 29ರಂದು ‘ರಕ್ಕಂ’ ಚಿತ್ರ  ರಿಲೀಸ್​ ಆಗುತ್ತಿದೆ.

ನಿರ್ದೇಶಕ ಸೆಂದಿಲ್​ ಅವರು ಮೂಲತಃ ರಂಗಭೂಮಿ ಕಲಾವಿದ. ಎನ್​ಎಸ್​ಡಿಯಲ್ಲಿ ತರಬೇತಿ ಪಡೆದುಕೊಂಡ ಬಂದಿರುವ ಅವರು ವಿವಿಧ ರಿಯಾಲಿಟಿ ಶೋಗಳಲ್ಲಿ ಕೆಲಸ ಮಾಡಿದ ಅನುಭವವಿದೆ.

ಇದು  ಸೆಂದಿಲ್ ಅವರ ಮೊದಲ ನಿರ್ದೇಶನದ ಸಿನಿಮಾ. ನೋಟ್​ ಬ್ಯಾನ್​ ಮಾಡಿದ ಸಮಯದಲ್ಲಿ ಹುಟ್ಟಿದ ಕಥೆಯನ್ನು ಇಟ್ಟುಕೊಂಡು ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ಮಾಡಿದ್ದಾರೆ. ‘ರಕ್ಕಂ’ ಎಂದರೆ ಹಣದ ಗಂಟು ಎಂಬ ಅರ್ಥವಿದೆ’.

ಶ್ರೀವತ್ಸ ಸಂಗೀತ ನಿರ್ದೇಶನ, ಶಾಮ್​ ಸಾಲ್ವಿನ್ ಛಾಯಾಗ್ರಹಣ, ಸಂಜೀವ ರೆಡ್ಡಿ ಸಂಕಲನ ಮಾಡಿದ್ದಾರೆ. ನೈಜ ಘಟನೆಗಳನ್ನು ಆಧರಿಸಿದ ಈ ಸಿನಿಮಾ ‘ನಮ್ಮ ಹೈಕ್ಳು ಚಿತ್ರ’ ಬ್ಯಾನರ್​ ಮೂಲಕ ತಯಾರಾಗಿದೆ.

ಹೆಚ್ಚಿನ ಭಾಗದ ಚಿತ್ರೀಕರಣ ಬೆಂಗಳೂರಿನಲ್ಲೇ ನಡೆದಿದೆ. ರಣಧೀರ್ ಗೌಡ ನಾಯಕನಾಗಿ ನಟಿಸಿದ್ದಾರೆ. ಅಮೃತಾ ನಾಯರ್ ನಾಯಕಿ. ಹಿರಿಯ ಕಲಾವಿದ ನಂಜಪ್ಪ ಬೆನಕ, ಹಿರಿಯ ನಿರ್ದೇಶಕ ಬಿ.ರಾಮಮೂರ್ತಿ ಅವರು ಸೇರಿದಂತೆ ಹಲವರು ನಟಿಸಿದ್ದಾರೆ.