ತಮಿಳು ಖ್ಯಾತ ನಟ ಅಜಿತ್​ ಕುಮಾರ್​ ತಂದೆ ಪಿ. ಸುಬ್ರಹ್ಮಣ್ಯಂ ವಿಧಿವಶ

ಚೆನ್ನೈ: ತಮಿಳು ಖ್ಯಾತ ನಟ ಅಜಿತ್​ ಕುಮಾರ್​ ತಂದೆ ಪಿ.ಸುಬ್ರಹ್ಮಣ್ಯಂ (84) ಇಂದು ಚೆನ್ನೈನಲ್ಲಿ ನಿಧನರಾಗಿದ್ದಾರೆ. ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ಅವರು, ಚಿಕಿತ್ಸೆ ಫಲಿಸದೆ ವಿಧಿವಶರಾಗಿದ್ದಾರೆ .

ಅಜಿತ್​ ಕುಮಾರ್​ ಫ್ಯಾಮಿಲಿ ಜೊತೆ ಯುರೋಪ್​ ಟೂರ್​ನಲ್ಲಿದ್ದಾರೆ. ಆದಷ್ಟು ಬೇಗ ಚೆನ್ನೈನ ತಂದೆ ನಿವಾಸಕ್ಕೆ ಬಂದು ಸೇರಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿದೆ. ಅಜಿತ್​ ಕುಮಾರ್ ಫ್ಯಾನ್ಸ್ ಟ್ವಿಟರ್ ಪೇಜ್​ನಲ್ಲಿ​ ಫೋಟೋ ಶೇರ್​ ಮಾಡಿ ಸಂತಾಪ ವ್ಯಕ್ತಪಡಿಸಿದ್ದಾರೆ.

ನಟ ಅಜಿತ್ ತಂದೆ ಪಿ.ಸುಬ್ರಹ್ಮಣ್ಯಂ ಮೂಲತಹ ಕೇರಳದ ಪಾಲಕ್ಕಾಡ್ ಮೂಲದವರು. ಪಶ್ಚಿಮ ಬಂಗಾಳದ ಮೋಹಿನಿಯವರನ್ನು ಮದುವೆಯಾಗಿದ್ದರು. ಈ ದಂಪತಿಯ ಮೂರು ಗಂಡು ಮಕ್ಕಳಲ್ಲಿ ಅಜಿತ್​ ನಡುವಿನವರಾಗಿದ್ದಾರೆ. ಅಜಿತ್ ತಮಿಳು ಸಿನಿಮಾ ಇಂಡಸ್ಟ್ರಿಯಲ್ಲಿ ಅಪಾರ ಖ್ಯಾತಿ ಪಡೆದಿದ್ದಾರೆ. ಇನ್ನಿಬ್ಬರು ಮಕ್ಕಳು ಉದ್ಯಮ ಕ್ಷೇತ್ರದಲ್ಲಿದ್ದಾರೆ.