ನಿತ್ಯದ ಜೀವನದಲ್ಲಿ ಒಂದಲ್ಲ ಒಂದು ಬಾರಿ ನೀವು ಕೂಡ 'ನಾನು ಮಧ್ಯಮ ವರ್ಗಕ್ಕೆ ಸೇರಿದವನು' ಎನ್ನುವ ಹೇಳಿಕೆ ಕೊಟ್ಟಿರುತ್ತೀರಿ. ಸ್ನೇಹಿತರೊಂದಿಗೆ ಮಾತನಾಡುವಾಗ ಅಥವಾ ನಿಮ್ಮ ಪರಿಚಯ ಹೇಳಿಕೊಳ್ಳುವ ಸಂದರ್ಭದಲ್ಲಿ ಖಂಡಿತ ಒಮ್ಮೆಯಾದರೂ ನಾನು ಮಿಡೆಲ್ ಕ್ಲಾಸ್ ನಿಂದ ಬಂದಿದ್ದೇನೆ, ಅಥವಾ ನನ್ನದು ಮಿಡ್ಲ್ ಕ್ಲಾಸ್ ಅಪ್ ಬ್ರಿಗಿಂಗ್ ಎನ್ನುವ ಮಾತು ನಿಮ್ಮಿಂದ ಬಂದೆ ಇರುತ್ತದೆ. ಇದು ಅತ್ಯಂತ ಸಾಧಾರಣ ಮತ್ತು ಸಾಮಾನ್ಯ ವಿಷಯವಾಗಿದೆ. ನೀವು ನಿಮ್ಮ ಅಕ್ಕಪಕ್ಕದವರನ್ನ, ಬಂಧು ಮಿತ್ರರನ್ನ ಕೇಳಿ ಅವರೆಲ್ಲರ ಸಿದ್ದ ಉತ್ತರ 'ನಾವು ಮಿಡ್ಲ್ ಕ್ಲಾಸ್/ಮಧ್ಯಮ ವರ್ಗದ ಜನ' ಎನ್ನುವುದೇ ಆಗಿರುತ್ತದೆ.