ಡಿಜಿಟಲ್ ಕರೆನ್ಸಿ ಅಬ್ಬರ ಎಷ್ಟಿದೆ ಎನ್ನುವುದನ್ನ ನಾನಿಲ್ಲಿ ಹೊಸದಾಗಿ ಹೇಳುವ ಅವಶ್ಯಕತೆ ಇಲ್ಲ ಎಂದು ಕೊಳ್ಳುತ್ತೇನೆ. ಹಣ ಅಥವಾ ಕ್ಯಾಶ್ ಅನ್ನು ಮುಗಿಸಲು ಯಾರು ಮತ್ತು ಯಾಕೆ ನಕ್ಷೆ ತಯಾರಿಸಿದ್ದಾರೆ ಗೊತ್ತೇ? ನಿಮ್ಮ ಬಳಿ ನೂರು ರೂಪಾಯಿ ನೋಟಿದೆ ಎಂದುಕೊಳ್ಳಿ ಅದನ್ನ ಕೊಟ್ಟು ನಿಮಗೆ ಬೇಕಾದ ವಸ್ತು ಅಥವಾ ಸೇವೆಯನ್ನ ಪಡೆಯುತ್ತೀರಿ. ಇಲ್ಲಿ ವ್ಯವಹಾರ ಕೊಳ್ಳುವರ ಮತ್ತು ಮಾರುವವರ ಮಧ್ಯೆ ನೆಡೆಯಿತು. ಬೆಲೆ ಎಷ್ಟು, ಡಿಸ್ಕೌಂಟ್ ಎಷ್ಟು., ನೀವು ಯಾವ ವಸ್ತು ಕೊಂಡಿರಿ? ಕೊಂಡ ಉದ್ದೇಶ? ನಿಮ್ಮ ಫೋನ್ ನಂಬರ್, ನಿಮ್ಮ ಕಾರ್ಡ್ ನಂಬರ್.., ನೀವು ವ್ಯವಹರಿಸುವ ಬ್ಯಾಂಕ್ ಯಾವುದು/ ಹೀಗೆ ಇನ್ನು ಹಲವು ಹತ್ತು 'ನಿಮ್ಮ ಸ್ವಂತದ್ದು' ಮೂರನೆಯವರಿಗೆ ತಿಳಿಯುವುದೇ ಇಲ್ಲ.