ಜಮ್ಮು ಮತ್ತು ಕಾಶ್ಮೀರದ ಉರಿ ಸೇನಾ ಶಿಬಿರದ ಮೇಲಿನ ಉಗ್ರರ ದಾಳಿಯಿಂದಾಗಿ 19 ಭಾರತೀಯ ಯೋಧರು ಹುತಾತ್ಮರಾಗಿದ್ದು, ತದ ನಂತರ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಬಾಂಧವ್ಯ ಹದಗೆಟ್ಟಿತ್ತು. ಅಲ್ಲದೆ ಭಾರತೀಯ ಯೋಧರ ಸಾವಿಗೆ ಕಾರಣರಾದ ಉಗ್ರರಿಗೆ ತಕ್ಕ ಶಾಸ್ತಿ ಮಾಡುವುದಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಬಹಿರಂಗವಾಗಿ ಸವಾಲಾಕಿದ್ದರು.
ಉರಿ ಉಗ್ರ ದಾಳಿ ಬಳಿಕ ಪಾಕಿಸ್ತಾನ ವಿರುದ್ಧ ಕೋಟ್ಯಾಂತರ ಭಾರತೀಯ ಆವೇಶ ಹೆಚ್ಚಿತ್ತು. ಅಂತೆ ಭಾರತೀಯ ಯೋಧರು ಕಳೆದ ವಾರ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರಕ್ಕೆ ನುಗ್ಗಿ ಉಗ್ರರ ಅಡಗು ತಾಣಗಳನ್ನು ದ್ವಂಸಗೈದು ವಿಜಯಿಶಾಲಿಯಾಗಿ ಹಿಂತಿರುಗಿದ್ದರು. ಇದಾದ ಬಳಿಕ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪಾಕಿಸ್ತಾನ ಅಪಮಾನವಾದಂತಾಗಿ ಭಾರತದ ಮೇಲೆ ಯುದ್ಧ ನಡೆಸುವ ಹುನಾರದಲ್ಲಿದೆ. ಈಗಾಗಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಅಣತಿಯಂತೆ ಮುಂಜಾಗೃತ ಕ್ರಮವಾಗಿ ರಜೆಯಲ್ಲಿರುವ ಎಲ್ಲಾ ಭಾರತೀಯ ಯೋಧರು ಕರ್ತವ್ಯಕ್ಕೆ ಹಾಜರಾಗುವಂತೆ ರಕ್ಷಣಾ ಸಚಿವಾಲಯ ಆದೇಶಿಸಿತ್ತು.
ಇಂತ ಸಮಯದಲ್ಲಿ ಕ್ರಿಕೆಟಿಗ ಮೊಹಮ್ಮದ್ ಕೈಫ್ ಅವರು ಹೃದಯಸ್ಪರ್ಶಿ ಸಂದೇಶವೊಂದನ್ನು ಟ್ವೀಟಿಸಿದ್ದು ಆ ಮೂಲಕ ಲಕ್ಷಾಂತರ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ. ಎಲ್ಲಾ ಯೋಧರ ರಜೆ ರದ್ದುಗೊಂಡಿದ್ದು, ಬಸ್ ಅಥವಾ ರೈಲಿನಲ್ಲಿ ಯಾರೇ ಯೋಧ ಸೀಟ್ ಇಲ್ಲದೆ ನಿಂತಿದ್ದರೆ ಅವರಿಗೆ ಸೀಟ್ ನೀಡಿ ಎಂದು ಟ್ವೀಟಿಸಿದ್ದು ಇದಕ್ಕೆ ಸಾವಿರಾರು ರೀ-ಟ್ವೀಟ್ ಗಳು ಬಂದಿವೆ.
