ಹೆಲಿಕಾಪ್ಟರ್ ಪತನ: ಕೂದಲೆಳೆ ಅಂತರದಲ್ಲಿ ಪಾರಾದ ಬಾಂಗ್ಲಾದೇಶ ಕ್ರಿಕೆಟಿಗ ಶಕೀಬ್

ಢಾಕಾ: ಬಾಂಗ್ಲಾದೇಶ ಸ್ಟಾರ್ ಕ್ರಿಕೆಟರ್ ಶಕೀಬ್ ಅಲ್ ಹಸನ್ ಪ್ರಯಾಣಿಸಿದ್ದ ಹೆಲಿಕಾಪ್ಟರ್ ಪತನಗೊಂಡಿದ್ದು ಕೂದಲೆಳೆ ಅಂತರದಲ್ಲಿ ಹಸನ್ ದಂಪತಿಗಳು ಪಾರಾಗಿದ್ದಾರೆ.

ಟೆಲಿವಿಷನ್ ಜಾಹಿರಾತುವೊಂದಕ್ಕಾಗಿ ಹಸನ್ ಮತ್ತು ಅವರ ಪತ್ನಿ ಉಮ್ಮ ಅಹಮ್ಮದ್ ಶಿಶಿರ್ ಅವರನ್ನು ಕಾಕ್ಸ್ ಬಝಾರ್ಗೆ ಬಿಟ್ಟು ಮರಳಿ ಢಾಕಾಗೆ ತೆರಳುತ್ತಿದ್ದಾಗ ಹೆಲಿಕಾಪ್ಟರ್ ಪತನಗೊಂಡಿದೆ.

ಹಸನ್ ದಂಪತಿಗಳು ಕೆಳಗಿಳಿಸಿ ಹೆಲಿಕಾಪ್ಟರ್ ಕೇವಲ 1.5 ಕಿ.ಮೀ ದೂರ ತೆರಳಿದಾಗ ಪತನಗೊಂಡಿದ್ದು ಅಪಘಾತದಲ್ಲಿ ಓರ್ವ ಸಾವನ್ನಪ್ಪಿದ್ದು, ನಾಲ್ವರಿಗೆ ಗಂಭೀರ ಗಾಯಗಳಾಗಿವೆ.