ಕೊಲಂಬೋದ ಪ್ರೇಮದಾಸ ಕ್ರೀಡಾಂಗಣದಲ್ಲಿ ಇಂದು ನಡೆದ ಪಂದ್ಯದಲ್ಲಿ ಶ್ರೀಲಂಕಾ ತಂಡ ಭಾರತದ ಎದುರು 168 ರನ್ ಗಳ ಅಂತರದಿಂದ ಸೋತಿದ್ದು, ಇದು ಶ್ರೀಲಂಕಾ ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಕಳಪೆ ಆಟವಾಗಿ ದಾಖಲಾಗಿದೆ. ಈ ಹಿಂದೆ ಶ್ರೀಲಂಕಾ ತಂಡ ತವರಿನಲ್ಲಿ ಇದೇ ಭಾರತ ತಂಡದ ಎದುರು 2009ರಲ್ಲಿ 147 ರನ್ ಗಳ ಅಂತರದಲ್ಲಿ ಸೋತಿತ್ತು. ಅಂತೆಯೇ 2009ರಲ್ಲಿ ಪಾಕಿಸ್ತಾನದ ವಿರುದ್ಧ 146 ರನ್ ಗಳ ಅಂತರದಲ್ಲಿ ಮತ್ತು 2015ರಲ್ಲಿ ಮತ್ತೆ ಪಾಕಿಸ್ತಾನದ ವಿರುದ್ಧ 135 ರನ್ ಗಳ ಅಂತರದಲ್ಲಿ ಸೋತಿದ್ದು,ಈ ವರೆಗಿನ ಶ್ರೀಲಂಕಾದ ಕಳಪೆ ಆಟವಾಗಿ ದಾಖಲಾಗಿದೆ.
