ವಿವಾಹ ವಾರ್ಷಿಕೋತ್ಸವಕ್ಕೆ ದ್ವಿಶತಕದ ಉಡುಗೊರೆ ನೀಡಿದ ರೋಹಿತ್ ಶರ್ಮಾ, ಪತ್ನಿ ರಿತಿಕಾ ಆನಂದಬಾಷ್ಪ!

ಮೊಹಾಲಿಯಲ್ಲಿ ನಡೆದ ಭಾರತ-ಶ್ರೀಲಂಕಾ ನಡುವಿನ 2 ನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ದ್ವಿಶತಕ ಸಿಡಿಸಿದ್ದು, ವಿವಾಹ ವಾರ್ಷಿಕೋತ್ಸದ ಹಿನ್ನೆಲೆಯಲ್ಲಿ ದ್ವಿಶತಕವನ್ನು ಪತ್ನಿಗೆ ಉಡುಗೊರೆಯಾಗಿ ನೀಡಿದ್ದಾರೆ.

ದ್ವಿಶತಕದ ಗುರಿ ತಲುಪುತ್ತಿದ್ದಂತೆಯೇ ಗ್ಯಾಲರಿಯಲ್ಲಿ ಕುಳಿತಿದ್ದ ಪತ್ನಿಯತ್ತ ಕೈಬೀಸಿದ ರೋಹಿತ್ ಶರ್ಮಾ ದ್ವಿಶತಕವನ್ನು ಪತ್ನಿ ರಿತಿಕಾಗೆ ಅರ್ಪಿಸಿದ್ದಾರೆ. ರೋಹಿತ್ ಶರ್ಮಾ 200 ರನ್ ಗಳ ಸನಿಹದಲ್ಲಿದ್ದಾಗ ಗ್ಯಾಲರಿಯಲ್ಲಿ ಕುಳಿತು ಮ್ಯಾಚ್ ವೀಕ್ಷಿಸುತ್ತಿದ್ದ ಪತ್ನಿ ರಿತಿಕಾ ಸಹ ಒತ್ತಡಕ್ಕೊಳಗಾಗಿದ್ದರು. 200 ರನ್ ಗಳಿಸುತ್ತಿದ್ದಂತೆಯೇ ಸಂತಸಗೊಂಡ ಪತ್ನಿ ರಿತಿಕಾ ಕಣ್ಣೀರಾದರು. 

ಮೊಹಾಲಿ ಪಂದ್ಯದಲ್ಲಿ 3 ನೇ ದ್ವಿಶತಕ ದಾಖಲಿಸಿದ ರೋಹಿತ್ ಶರ್ಮಾ ಕೇವಲ 36 ಎಸೆತಗಳಲ್ಲಿ ದ್ವಿಶತಕ ದಾಖಲಿಸಿದ್ದಾರೆ.