ದುಬೈ: ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ವರ್ಷದ ಏಕದಿನ ಮತ್ತು ಟಿ-20 ಮಹಿಳಾ ತಂಡವನ್ನು ಗುರುವಾರ ಪ್ರಕಟಿಸಿದ್ದು, ಭಾರತೀಯ ಮಹಿಳಾ ತಂಡದ ನಾಯಕಿ ಮಿಥಾಲಿ ರಾಜ್ ಹಾಗೂ ಹರ್ಮನ್ ಪ್ರೀತ್ ಕೌರ್ ಮತ್ತು ಏಕ್ತಾ ಬಿಷ್ಟ್ ಅವರು ಸ್ಥಾನ ಪಡೆದಿದ್ದಾರೆ.
ಏಕದಿನ ಪಂದ್ಯಕ್ಕೆ ಮಿಥಾಲಿ ರಾಜ್ ಹಾಗೂ ಹರ್ಮನ್ ಪ್ರೀತ್ ಕೌರ್ ಅವರು ಟಿ-20ಪಂದ್ಯಕ್ಕೆ ಆಯ್ಕೆಯಾಗಿದ್ದಾರೆ. ಏಕ್ತಾ ಒಬ್ಬರೆ ಟಿ-20 ಮತ್ತು ಏಕದಿನ ಎರಡಕ್ಕೂ ಆಯ್ಕೆಯಾಗಿದ್ದಾರೆ.
ಐಸಿಸಿ ಏಕದಿನ ತಂಡಕ್ಕೆ ಇಂಗ್ಲೆಂಡ್ ನ ಹೀದರ್ ನೈಟ್ ಅವರು ನಾಯಕಿಯಾಗಿದ್ದು, ಟಿ-20ಗೆ ವೆಸ್ಟ್ ಇಂಡೀಸ್ ನ ಸ್ಟ್ಯಾಫಾನಿ ಟೇಲರ್ ಅವರು ನಾಯಕಿಯಾಗಿದ್ದಾರೆ.
ಸೆಪ್ಟೆಂಬರ್ 21, 2016ರಿಂದೀಚೆಗಿನ ಆಟದ ಪ್ರದರ್ಶನದ ಆಧಾರದ ಮೇಲೆ ಐಸಿಸಿ ತಂಡಕ್ಕೆ ವಿವಿಧ ದೇಶಗಳಿಂದ ಆಟಗಾರರನ್ನು ಆಯ್ಕೆ ಮಾಡುತ್ತದೆ.
