ಸಚಿನ್ ಎ ಬಿಲಿಯನೇರ್: ಮೊದಲ ದಿನದ ಗಳಿಕೆ ಬರೋಬ್ಬರೀ 8 ಕೋಟಿ!

ನವದೆಹಲಿ: ಕ್ರಿಕೆಟ್​ ದಂತಕಥೆ ಮಾಸ್ಟರ್​ ಬ್ಲಾಸ್ಟರ್ ​ಸಚಿನ್ ​ತೆಂಡೂಲ್ಕರ್​ ಜೀವನ ಚರಿತ್ರೆ ಆಧಾರಿತ ಚಿತ್ರ “ಸಚಿನ್​ ಎ  ಬಿಲಿಯನ್​ ಡ್ರೀಮ್ಸ್​​” ಬಿಡುಗಡೆಯಾದ ಮೊದಲ ದಿನವೇ ಬಾಕ್ಸಾಫೀಸ್​ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದೆ.

ಮೇ 26 ರಂದು ಬಿಡುಗಡೆಯಾದ ಚಿತ್ರವು ಮೊದಲ ದಿನವೇ ಬರೋಬ್ಬರಿ 8 ಕೋಟಿ ರೂ ಹಣ ಸಂಗ್ರಹಿಸಿದೆ ಎಂದು ಪ್ರಸಿದ್ಧ ವ್ಯಾಪಾರ ವಿಶ್ಲೇಷಕ ತರನ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ. ಹಿಂದಿ, ಮರಾಠಿ, ತಮಿಳು, ತೆಲುಗು ಮತ್ತು ಇಂಗ್ಲೀಷ್​ಭಾಷೆಯ ಸಿನಿಮಾ ಬಿಡುಗಡೆಯಾಗಿದೆ.

ಸಚಿನ್​ ತೆಂಡೂಲ್ಕರ್​ ಅವರ ಬಾಲ್ಯದ ನೆನಪುಗಳನ್ನು ಸಹ ಹಿರಿತೆರೆ ಮೇಲೆ ತೋರಿಸಲಾಗಿದೆ. ಮುಖ್ಯವಾಗಿ ಕ್ರಿಕೆಟ್​​ ಜಗತ್ತಿಗೆ ಸಚಿನ್​ ಆಗಮನ, ಅವರ ಸಾಧನೆ, ದಾಖಲೆಗಳು ಹೀಗೆ ಎಲ್ಲವನ್ನೂ ಚಿತ್ರದಲ್ಲಿ ತೋರಿಸಲಾಗಿದೆ.  ಚಿತ್ರವನ್ನು ಜೇಮ್ಸ್​​ಎರಸ್ಕಿನ್​ ನಿರ್ದೇಶಿಸಿದ್ದು, ಚಿತ್ರಕ್ಕೆ ಎ ಆರ್​ ರೆಹಮಾನ್ ಸಂಗೀತ ನೀಡಿದ್ದಾರೆ.