ಅಂಡರ್ 19ಗೆ ಆಯ್ಕೆಯಾಗಲಿಲ್ಲ ಎಂದು ಮನನೊಂದು ಯುವ ಕ್ರಿಕೆಟಿಗ ಆತ್ಮಹತ್ಯೆಗೆ ಶರಣು!

ಇಸ್ಲಾಮಾಬಾದ್: ಅಂಡರ್-19 ತಂಡಕ್ಕೆ ಆಯ್ಕೆಯಾಗಲಿಲ್ಲ ಎಂದು ಮನನೊಂದು ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಅಮೀರ್ ಹನೀಫ್ ಅವರ ಪುತ್ರ ಮೊಹಮ್ಮದ್ ಜರ್ಯಾಬ್ ಆತ್ಮಹತ್ಯೆಗೆ ಶರಣಾದ ಘಟನೆ ನಡೆದಿದೆ. 

ಮೊಹಮ್ಮದ್ ಜರ್ಯಾಬ್ ಮೊದಲ ವರ್ಷ ಪದವಿ ವಿದ್ಯಾರ್ಥಿಯಾಗಿದ್ದು ಕರಾಚಿ ಅಂಡರ್ 19 ತಂಡದ ಪರ ಆಡುತ್ತಿದ್ದರು. ಗಾಯಗೊಂಡು ತಂಡದಿಂದ ಹೊರಬಿದ್ದಿದ್ದರು. ಗುಣಮುಖರಾದ ಬಳಿಕ ತಂಡಕ್ಕೆ ಮರು ಆಯ್ಕೆ ಬಯಸಿದಾಗ ಆತನನ್ನು ಆಯ್ಕೆ ಮಾಡಲಿಲ್ಲ. ಇದರಿಂದ ಮನನೊಂದ ಮೊಹಮ್ಮದ್ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ ಎಂದು ಆತನ ತಂದೆ ಹನೀಫ್ ಆರೋಪಿಸಿದ್ದಾರೆ.

ಅಮೀರ್ ಹನೀಫ್ 90ರ ದಶಕದಲ್ಲಿ ಪಾಕಿಸ್ತಾನ ಪರ 5 ಅಂತಾರಾಷ್ಟ್ರೀಯ ಏಕದಿನ ಪಂದ್ಯಗಳನ್ನು ಆಡಿದ್ದರು.