ಆಸ್ಟ್ರೇಲಿಯಾದ ಆಕ್ರಮಣಶೀಲತೆ ವರ್ತನೆಯನ್ನು ವ್ಯಾಖ್ಯಾನಿಸುತ್ತಾ ಮಾತನಾಡಿರುವ ವಿರಾಟ್ ಕೊಹ್ಲಿ, ಆಕ್ರಮಣಶೀಲತೆ ಎನ್ನುವುದು ಫೀಲ್ಡ್ ನಲ್ಲಿರುವ ಪರಿಸ್ಥಿತಿಯನ್ನು ಆಧರಿಸುತ್ತದೆ. ನಮ್ಮ ವಿರುದ್ಧ ಎದುರಾಳಿ ತಂಡದವರು ಆಕ್ರಮಣಶೀಲ ವರ್ತನೆ ತೋರಿದರೆ ನಾವೂ ಅದಕ್ಕೆ ತಕ್ಕಂತೆಯೇ ಪ್ರತಿಕ್ರಿಯೆ ನೀಡುತ್ತೇವೆ, ನಾವಾಗಿಯೇ ಏನನ್ನೂ ಮಾಡುವುದಿಲ್ಲ. ನಾವು ಆತ್ಮಾಭಿಮಾನದ ಗೆರೆ ಹಾಕಿಕೊಂಡಿರುತ್ತೇವೆ ಅದನ್ನು ದಾಟಿ ಬಂದರೆ ನಾವು ಅದಕ್ಕೆ ತಕ್ಕೆ ಪ್ರತ್ಯುತ್ತರವನ್ನೂ ನೀಡಬೇಕಾಗುತ್ತದೆ ಎಂದು ಹೇಳಿದ್ದಾರೆ.