WPL 2026: ಪರ್ಸ್‌ನಲ್ಲಿ ಕಡಿಮೆ ಹಣವಿದ್ದರೂ ಉತ್ತಮ ತಂಡ ಕಟ್ಟಿದ RCB; ಆದರೆ ಇದೊಂದೇ ಸವಾಲು!

ನಾಯಕಿ ಸ್ಮೃತಿ ಮಂಧಾನ ಅವರೊಂದಿಗೆ ಕಣಕ್ಕಿಳಿಯಲು ಆರ್‌ಸಿಬಿಗೆ ಆರಂಭಿಕ ಆಟಗಾರ್ತಿಯ ಅಗತ್ಯವಿತ್ತು. ಅದಕ್ಕಾಗಿ ಅವರು ಆಸ್ಟ್ರೇಲಿಯಾದ ಜಾರ್ಜಿಯಾ ವೋಲ್ ಅವರನ್ನು ಖರೀದಿಸಿದೆ.
RCB squad for WPL 2025
ಡಬ್ಲ್ಯುಪಿಎಲ್ 2025ರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ
Updated on

ಮಹಿಳಾ ಪ್ರೀಮಿಯರ್ ಲೀಗ್ (WPL) 2026ರ ಮೆಗಾ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡವು ಪರ್ಸ್‌ನಲ್ಲಿ ಕಡಿಮೆ ಹಣವನ್ನು ಹೊಂದಿತ್ತು. 8.85 ಕೋಟಿ ರೂಪಾಯಿಗೆ ತಂಡವು ನಾಲ್ಕು ಆಟಗಾರ್ತಿಯರನ್ನು ಉಳಿಸಿಕೊಂಡ ನಂತರ, ಹೆಚ್ಚಿನ ಆಟಗಾರ್ತಿಯರನ್ನು ಖರೀದಿಸುವ ಅಗತ್ಯವಿತ್ತು. RCB ಮತ್ತೊಂದು ಚಾಂಪಿಯನ್ ತಂಡವನ್ನು ಮರುಸೃಷ್ಟಿಸಲು ತಮ್ಮ ಕೈಲಾದಷ್ಟು ಪ್ರಯತ್ನಿಸಬೇಕಾಯಿತು.

ಮಧ್ಯಮ ಕ್ರಮಾಂಕದ ಬ್ಯಾಟಿಂಗ್ ಸವಾಲು

ನಾಯಕಿ ಸ್ಮೃತಿ ಮಂಧಾನ ಅವರೊಂದಿಗೆ ಕಣಕ್ಕಿಳಿಯಲು ಆರ್‌ಸಿಬಿಗೆ ಆರಂಭಿಕ ಆಟಗಾರ್ತಿಯ ಅಗತ್ಯವಿತ್ತು. ಅದಕ್ಕಾಗಿ ಅವರು ಆಸ್ಟ್ರೇಲಿಯಾದ ಜಾರ್ಜಿಯಾ ವೋಲ್ ಅವರನ್ನು ಖರೀದಿಸಿದೆ. ಅವರ ಜೊತೆಗೆ ದಯಾಲನ್ ಹೇಮಲತಾ ಮತ್ತು ಗೌತಮಿ ನಾಯಕ್ ಅವರನ್ನು ಬ್ಯಾಕಪ್ ಆಗಿಟ್ಟುಕೊಂಡಿದೆ. ಎಲಿಸ್ ಪೆರ್ರಿ ಮೂರನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಲಿದ್ದಾರೆ. ಆದರೆ, ಸಮಸ್ಯೆ ಪ್ರಾರಂಭವಾಗುವುದು ಅಲ್ಲಿಂದ. ತಂಡದಲ್ಲಿ ನಾಲ್ಕು ಅಥವಾ ಐದನೇ ಸ್ಥಾನದಲ್ಲಿ ಬ್ಯಾಟಿಂಗ್‌ಗೆ ಸದ್ಯ ಆಯ್ಕೆ ಇಲ್ಲದಂತಾಗಿದೆ.

ಆರ್‌ಸಿಬಿ ತಂಡಕ್ಕೆ ಆರನೇ ಸ್ಥಾನದಲ್ಲಿ ರಿಚಾ ಘೋಷ್ ಲಭ್ಯರಿದ್ದು, ಮಧ್ಯಮ ಕ್ರಮಾಂಕದಲ್ಲಿ ಹೆಚ್ಚಿನ ಬ್ಯಾಟ್ಸ್‌ಮನ್‌ಗಳು ಸಿಕ್ಕಿಲ್ಲ. ಪ್ರತ್ಯೂಷ ಕುಮಾರ್, ಗ್ರೇಸ್ ಹ್ಯಾರಿಸ್ ಮತ್ತು ಗೌತಮಿ ಇದೀಗ ಸಂಭಾವ್ಯ ಆಯ್ಕೆಗಳಾಗಿದ್ದಾರೆ.

ಹ್ಯಾರಿಸ್ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ಅಲ್ಲ, ಬದಲಾಗಿ ಕೆಳ ಕ್ರಮಾಂಕದ ಬ್ಯಾಟ್ಸ್‌ಮನ್ ಆಗಿದ್ದಾರೆ. ಆರ್‌ಸಿಬಿ ಹೇಮಲತಾ ಅಥವಾ ಗೌತಮಿ ನಾಯಕ್ ಅವರನ್ನೇ ನಾಲ್ಕು ಅಥವಾ ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಇಳಿಸುವ ಸಾಧ್ಯತೆಯಿದೆ. ಆದರೆ, ಅವರು ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳಾಗಿರುವುದರಿಂದ ಆ ಸ್ಥಾನಗಳಿಗೆ ಸೂಕ್ತವಲ್ಲ. ಪ್ರತ್ಯೂಷ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್ ಆಗಿದ್ದರೂ, ಅವರಿನ್ನೂ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿಕೊಂಡಿಲ್ಲ.

RCB squad for WPL 2025
WPL 2026: ಕೇವಲ 4 ಆಟಗಾರ್ತಿಯರನ್ನು ಉಳಿಸಿಕೊಂಡ RCB; ಮೆಗಾ ಹರಾಜಿಗೆ ಸಜ್ಜು; ಉಳಿದಿರುವ ಹಣವೆಷ್ಟು?

ಬೌಲಿಂಗ್‌ನಲ್ಲಿ ಸಮಸ್ಯೆ ಇಲ್ಲ

ಆರ್‌ಸಿಬಿ ತಂಡ ಕೇವಲ ಇಬ್ಬರು ಮುಂಚೂಣಿಯ ವೇಗದ ಬೌಲರ್‌ಗಳನ್ನು ಮಾತ್ರ ಆಯ್ಕೆ ಮಾಡಿಕೊಂಡಿದ್ದು, ಮೂವರು ವೇಗಿಗಳನ್ನು ಹೊಂದಿದೆ. ಇದು ಅವರಿಗೆ ಉತ್ತಮ ಆಳ ಮತ್ತು ವೈವಿಧ್ಯತೆಯನ್ನು ನೀಡುತ್ತದೆ. ಆದರೆ, ಮಧ್ಯಮ ಮತ್ತು ಡೆತ್ ಬೌಲಿಂಗ್ ಸಮಸ್ಯೆ ಉಂಟಾಗಬಹುದು. ಹ್ಯಾರಿಸ್, ನಾಡಿನ್ ಡಿ ಕ್ಲರ್ಕ್ ಮತ್ತು ಅರುಂಧತಿ ರೆಡ್ಡಿ ಅವರನ್ನೇ ಆರ್‌ಸಿಬಿ ನಂಬಬೇಕಾಗುತ್ತದೆ. ಎಲ್ಲಿಸ್ ಪೆರ್ರಿ, ಪೂಜಾ ವಸ್ತ್ರಾಕರ್ ಮತ್ತು ಲಾರೆನ್ ಬೆಲ್ ಅವರೊಂದಿಗೆ ಪವರ್‌ಪ್ಲೇ ಬೌಲಿಂಗ್ ಸಮಸ್ಯೆಯಾಗುವುದಿಲ್ಲ.

ಆಶಾ ಶೋಭನ ಅವರನ್ನು ಬಿಡುಗಡೆ ಮಾಡಿದರೂ, ಆರ್‌ಸಿಬಿ ಉತ್ತಮ ಸ್ಪಿನ್ ಬೌಲಿಂಗ್ ತಂಡವನ್ನು ಒಟ್ಟುಗೂಡಿಸುವಲ್ಲಿ ಯಶಸ್ವಿಯಾಗಿದೆ. ಶ್ರೇಯಾಂಕಾ ಪಾಟೀಲ್ ಅವರನ್ನು ಉಳಿಸಿಕೊಂಡಿದ್ದು, ಪ್ರೇಮಾ ರಾವತ್ ಅವರನ್ನು ಖರೀದಿಸಿದೆ. ಅಲ್ಲದೆ, ಎಡಗೈ ಸ್ಪಿನ್ನರ್‌ಗಳಾದ ರಾಧಾ ಯಾದವ್ ಮತ್ತು ಲಿನ್ಸೆ ಸ್ಮಿತ್ ಅವರು ಇದ್ದಾರೆ. ಆಫ್-ಸ್ಪಿನ್‌ಗಾಗಿ ಗೌತಮಿ ನಾಯಕ್‌ ಲಭ್ಯರಿದ್ದಾರೆ.

ಒಟ್ಟಾರೆಯಾಗಿ, ಆರ್‌ಸಿಬಿ ತಂಡಕ್ಕೆ 10 ರಲ್ಲಿ 8.5 ಅಂಕಗಳನ್ನು ನೀಡಬಹುದು. ಅವರ ಬಳಿ ಉತ್ತಮ ಬ್ಯಾಕಪ್ ಮತ್ತು ವೈವಿಧ್ಯತೆ ಇದ್ದು, ಅಗ್ರ ಕ್ರಮಾಂಕ ಉತ್ತಮ ಪ್ರದರ್ಶನ ನೀಡಿದರೆ, ಎಲ್ಲವೂ ಅಂದುಕೊಂಡಂತೆ ಆಗಬಹುದು.

RCB squad for WPL 2025
ವಿವಾಹ ರದ್ದು ಊಹಾಪೋಹಗಳ ನಡುವೆ ಸ್ಮೃತಿ ಮಂಧಾನ-ಪಲಾಶ್ ಏಕಕಾಲಕ್ಕೆ Instagram ಅಪ್ಡೇಟ್ ಕೊಡುತ್ತಿರುವ ಸೂಚನೆ ಏನು?

ಡಬ್ಲ್ಯುಪಿಎಲ್ 2026 ತಂಡ

ಬ್ಯಾಟರ್ಸ್: ಸ್ಮೃತಿ ಮಂಧಾನ (ನಾಯಕಿ), ಜಾರ್ಜಿಯಾ ವೋಲ್ (ವಿದೇಶ), ರಿಚಾ ಘೋಷ್ (ವಿಕೆಟ್ ಕೀಪರ್), ಪ್ರತ್ಯೂಷಾ ಕುಮಾರ್ (ವಿಕೆಟ್ ಕೀಪರ್)

ಆಲ್ ರೌಂಡರ್‌ಗಳು: ಎಲ್ಲಿಸ್ ಪೆರ್ರಿ (ವಿದೇಶ), ಪೂಜಾ ವಸ್ತ್ರಾಕರ್, ನಾಡಿನ್ ಡಿ ಕ್ಲರ್ಕ್ (ವಿದೇಶ), ಗ್ರೇಸ್ ಹ್ಯಾರಿಸ್ (ವಿದೇಶ), ದಯಾಲನ್ ಹೇಮಲತಾ, ಗೌತಮಿ ನಾಯ್ಕ್

ಬೌಲರ್‌ಗಳು: ಶ್ರೇಯಾಂಕಾ ಪಾಟೀಲ್, ರಾಧಾ ಯಾದವ್, ಲಿನ್ಸೆ ಸ್ಮಿತ್ (ವಿದೇಶ), ಲಾರೆನ್ ಬೆಲ್ (ವಿದೇಶ), ಅರುಂಧತಿ ರೆಡ್ಡಿ, ಪ್ರೇಮಾ ರಾವತ್

Follow KannadaPrabha channel on WhatsApp

  

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

  

Subscribe to KannadaPrabha YouTube Channel and watch Videos

ಈ ವಿಭಾಗದ ಇತರ ಸುದ್ದಿ

No stories found.

X
Google Preferred source

Advertisement

X
Kannada Prabha
www.kannadaprabha.com