ಪಾಕಿಸ್ತಾನ ವಿರುದ್ಧದ ಪಂದ್ಯದಲ್ಲಿ 17 ಎಸೆತಗಳಲ್ಲಿ 34 ರನ್ ಗಳಿಸುವ ಮೂಲಕ ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟರ್ ರಿಚಾ ಘೋಷ್ ಪಂದ್ಯದ ಗತಿಯನ್ನೇ ಬದಲಿಸಿದರು. ಪಾಕ್ ವಿರುದ್ಧದ ಈ ನಾಕ್ ಮಹಿಳಾ ಟಿ20 ವಿಶ್ವಕಪ್ನ ಮುಂದಿನ ಪಂದ್ಯಕ್ಕೆ ಮುನ್ನ ಆತ್ಮವಿಶ್ವಾಸ ತುಂಬಿದೆ ಎಂದು ಹೇಳಿದ್ದಾರೆರು. ಘೋಷ್ ಅವರ ತ್ವರಿತ 34 ರನ್ಗಳು ಭಾರತವನ್ನು ಸ್ಪರ್ಧಾತ್ಮಕ 170ಕ್ಕೆ ಕೊಂಡೊಯ್ಯುವಲ್ಲಿ ಮತ್ತು ಕಳೆದ ಭಾನುವಾರ ಬರ್ಮಿಂಗ್ಹ್ಯಾಮ್ನಲ್ಲಿ ಪಾಕಿಸ್ತಾನದ ವಿರುದ್ಧ 64 ರನ್ಗಳ ಭರ್ಜರಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದವು.
'ಪಾಕಿಸ್ತಾನ ವಿರುದ್ಧದ ಈ ನಾಕ್ ನನಗೆ ನಿಜವಾಗಿಯೂ ಸಹಾಯ ಮಾಡುತ್ತದೆ. ಏಕೆಂದರೆ, ಅದು ನನಗೆ ಆತ್ಮವಿಶ್ವಾಸವನ್ನು ನೀಡಿತು. ಇಂಗ್ಲೆಂಡ್ ವಿರುದ್ಧದ ಅಭ್ಯಾಸ ಪಂದ್ಯದಲ್ಲಿ ಗಳಿಸಿದ ಅರ್ಧಶತಕವು ತನ್ನಲ್ಲಿನ ನಂಬಿಕೆಯನ್ನು ಹೆಚ್ಚಿಸಿದೆ ಎಂದು ಬುಧವಾರ ಇಲ್ಲಿ ನೆದರ್ಲ್ಯಾಂಡ್ಸ್ ವಿರುದ್ಧದ ಭಾರತದ ಪಂದ್ಯದ ಮುನ್ನಾದಿನ 22 ವರ್ಷದ ರಿಚಾ ಹೇಳಿದರು.
'ನಾವು ಆಡಿದ ಅಭ್ಯಾಸ ಪಂದ್ಯದಿಂದ ನನಗೆ ಆತ್ಮವಿಶ್ವಾಸ ಬಂದಿದೆ ಎಂದು ನಾನು ಭಾವಿಸುತ್ತೇನೆ. ಮುಂದಿನ ಪಂದ್ಯಗಳಿಗಾಗಿ ನಾನು ಎದುರು ನೋಡುತ್ತಿದ್ದೇನೆ' ಎಂದು ಅವರು ಹೇಳಿದರು.
ಬಂಗಾಳದ ಕ್ರಿಕೆಟ್ ಆಟಗಾರ್ತಿಯಾಗಿರುವ ರಿಚಾ ಐಸಿಸಿ ಪ್ರಶಸ್ತಿಗೆ ಭಾಜನರಾಗುವ ಮುನ್ನ ರನ್ಗಳಿಗಾಗಿ ಪರದಾಡುತ್ತಿದ್ದರು. ಕಾರ್ಡಿಫ್ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಅಭ್ಯಾಸ ಪಂದ್ಯದಲ್ಲಿ 0, 6, 8, 4 ರನ್ ಗಳಿಸಿದ ನಂತರ 68 ರನ್ಗಳೊಂದಿಗೆ ಫಾರ್ಮ್ಗೆ ಮರಳಿದರು.
'ನಾನು ನನ್ನ ಆಟದ ಮೇಲೆ ಮಾತ್ರ ಗಮನಹರಿಸಿದ್ದೇನೆ. ನೆಟ್ಸ್ನಲ್ಲಿ ನನ್ನ ಡ್ರಿಲ್ಗಳು ಇತ್ಯಾದಿಗಳಲ್ಲಿ ಹೆಚ್ಚು ಕೆಲಸ ಮಾಡಲು ಪ್ರಯತ್ನಿಸುತ್ತಿದ್ದೆ. ನಾನು ಉತ್ತಮ ಟಚ್ನಲ್ಲಿದ್ದೆ, ಆದರೆ ನನಗೆ ರನ್ಗಳು ಸಿಗುತ್ತಿರಲಿಲ್ಲ. ಹಾಗಾಗಿ, ನಾನು ಹ್ಯಾರಿ ದಿ (ಹರ್ಮನ್ಪ್ರೀತ್ ಕೌರ್) ಮತ್ತು ಸ್ಮೃತಿ ದಿ (ಮಂಧಾನ) ಮತ್ತು (ಮುಖ್ಯ ತರಬೇತುದಾರ ಅಮೋಲ್) ಮುಜುಂದಾರ್ ಸರ್ ಅವರಂತಹ ಹಿರಿಯ ಆಟಗಾರರೊಂದಿಗೆ ಮಾತನಾಡಿದೆ. ಅವರು ನನ್ನ ಆಟವನ್ನು ಆಡಿ ಮತ್ತು ಗಮನಹರಿಸಲು ಹೇಳಿದರು. ಅದು ನನಗೆ ಸಹಾಯ ಮಾಡಿತು' ಎಂದು ಅವರು ಹೇಳಿದರು.
'ಆ ಎಲ್ಲ ಪ್ರಯತ್ನಗಳು ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಪ್ರತಿಫಲಿಸಿದವು. ಆದ್ದರಿಂದ, ಆ ಇನಿಂಗ್ಸ್ ಪಾಕಿಸ್ತಾನ ವಿರುದ್ಧದ ಪಂದ್ಯಕ್ಕೂ ಮುನ್ನ ನಾನು ಮತ್ತೆ ಫಾರ್ಮ್ ಮತ್ತು ಆತ್ಮವಿಶ್ವಾಸಕ್ಕೆ ಮರಳಲು ಸಹಾಯ ಮಾಡಿತು. ಹೌದು, ಪರಿಸ್ಥಿತಿ ವಿಭಿನ್ನವಾಗಿತ್ತು (ಇಂಗ್ಲೆಂಡ್ ಪಂದ್ಯದಲ್ಲಿ), ಕೆಲವು ಆರಂಭಿಕ ವಿಕೆಟ್ಗಳು ಪತನಗೊಂಡಿದ್ದವು ಮತ್ತು ನನ್ನ ಬಳಿ ಹಲವು ಓವರ್ಗಳು ಉಳಿದಿದ್ದವು. ಹಾಗಾಗಿ, ನಾನು ಅಲ್ಲಿಯೇ ಇದ್ದು ನನ್ನದೇ ಆದ ಆಟವನ್ನು ಆಡಿದೆ. ಹಾಗಾಗಿ, ನನಗೆ ಆತ್ಮವಿಶ್ವಾಸ ಬಂದಿತು' ಎಂದು ಅವರು ಹೇಳಿದರು.
ಪಾಕಿಸ್ತಾನ ವಿರುದ್ಧ ಆರನೇ ವಿಕೆಟ್ಗೆ ದೀಪ್ತಿ ಶರ್ಮಾ ಅವರೊಂದಿಗೆ ಘೋಷ್ 45 ರನ್ಗಳ ನಿರ್ಣಾಯಕ ಜೊತೆಯಾಟವಾಡಿದರು.
'ಭಾರತ ತಂಡದಲ್ಲಿ ಮಾತ್ರವಲ್ಲ, ನಾನು ಬಂಗಾಳದಲ್ಲಿ ಮತ್ತು ದೇಶೀಯ ಕ್ರಿಕೆಟ್ನಲ್ಲಿ ದೀಪ್ತಿ ಶರ್ಮಾ ಅವರೊಂದಿಗೆ ಆಡಿದ್ದೇನೆ. ನಾವು ಆಗಾಗ್ಗೆ ಮೈದಾನದ ಒಳಗೆ ಮತ್ತು ಹೊರಗೆ ಉತ್ತಮ ಸಂಭಾಷಣೆ ನಡೆಸುತ್ತೇವೆ. ಅದು ನಮಗೆ ಸಹಾಯ ಮಾಡಿದೆ. ಏಕೆಂದರೆ ನಾವಿಬ್ಬರೂ ಏನು ಮಾಡಬಹುದು ಎಂದು ತಿಳಿದಿದ್ದೇವೆ' ಎಂದರು.
'ದೊಡ್ಡ ಹೊಡೆತ ಹೊಡೆಯಲು ಚೆಂಡು ಇಲ್ಲದಿದ್ದರೆ, ನಾವು ಸ್ಟ್ರೈಕ್ ಅನ್ನು ರೊಟೇಟ್ ಮಾಡಬಹುದು ಅಥವಾ ದೊಡ್ಡ ಹೊಡೆತಗಳನ್ನು ಹೊಡೆಯಲು ನಮಗಿಬ್ಬರಿಗೂ ಅವಕಾಶ ನೀಡಬಹುದು ಎಂದು ನಮಗೆ ತಿಳಿದಿದೆ. ನಾವು ನಿಜವಾಗಿಯೂ ಒಬ್ಬರನ್ನೊಬ್ಬರು ಚೆನ್ನಾಗಿ ತಿಳಿದಿದ್ದೇವೆ' ಎಂದು ಹೇಳಿದರು.
'ಪಾಕಿಸ್ತಾನ ವಿರುದ್ಧದ ಪಂದ್ಯಕ್ಕೂ ಮೊದಲು ನಾನು ಡಚ್ ತಂಡವನ್ನು ನೋಡಿದೆ. ನಾನು ಅವರ ಆಟಗಳನ್ನು ನೋಡಿದೆ. ಅವರು ಉತ್ತಮ ಬೌಲರ್ಗಳು ಆದ್ದರಿಂದ, ಅವರು ನಿಜವಾಗಿಯೂ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಮತ್ತು ಅದಕ್ಕಾಗಿಯೇ ಅವರು ಇಲ್ಲಿದ್ದಾರೆ ಮತ್ತು ನಾವು ಯಾವುದೇ ತಂಡವನ್ನು ಸುಲಭವಾಗಿ ತೆಗೆದುಕೊಳ್ಳುತ್ತಿಲ್ಲ ಎಂದು ನಾನು ಭಾವಿಸುತ್ತೇನೆ. ನಾವು ಅದನ್ನು ಎದುರು ನೋಡುತ್ತಿದ್ದೇವೆ' ಎಂದು ಅವರು ಹೇಳಿದರು.
Advertisement
