ಬೆಳಗಾವಿ: ಜಿಲ್ಲೆಯ ಅಥಣಿ ತಾಲೂಕಿನ ಐಗಳಿ ಗ್ರಾಮದಲ್ಲಿ ಡೆಂಘಿ ಜ್ವರಕ್ಕೆ ಇಬ್ಬರು ಬಲಿಯಾಗಿದ್ದು, ಸುಮಾರು 7ರಿಂದ 8 ಜನ ಇದೇ ಜ್ವರಕ್ಕೆ ಬಲಿಯಾಗಿರುವ ಶಂಕೆ ಇದೆ.ಕಮಲವ್ವ ಮಲ್ಲು ನೇಮಗೌಡರ(30) ಡೆಂಘೀ ಜ್ವರದಿಂದ ಶನಿವಾರ ಮೃತಪಟ್ಟಿದ್ದಾರೆ. ಮಾಣಿಕ ಶಂಕರಪ್ಪ ಬಿಜ್ಜರಗಿ(34) ಕೂಡ ಡೆಂಘೀ ಜ್ವರಕ್ಕೆ ಒಂದು ವಾರದ ಹಿಂದೆ ಬಲಿಯಾಗಿದ್ದಾನೆ. ಅದು ಅಲ್ಲದೇ ಒಂದೇ ತಿಂಗಳಲ್ಲಿ ಇದೇ ಗ್ರಾಮದಲ್ಲಿ ಸುಮಾರು 7ರಿಂದ 8 ಜನರು ಡೆಂಘಿ ಜ್ವರದಿಂದಲೇ ಬಲಿಯಾಗಿದ್ದಾರೆ ಎಂದು ಶಂಕಿಸಲಾಗಿದೆ.
