ಪುತ್ರ

    ಅಪ್ಪ ಮಾಡಿದ ಸಾಲ ತೀರಿಸಲೆಂದೇ ಜನ್ಮ ಪಡೆದವ
    ಪಿತ್ರಾರ್ಜಿತ ಆಸ್ತಿಯಲ್ಲಷ್ಟೇ ಅಲ್ಲ, ಪಿತ್ರಾರ್ಜಿತ ಸಾಲಕ್ಕೂ ಹೊಣೆ ಈತನೇ
    ತಾಯಿಗೆ ಸೊಸೆಯೆಂಬ ಪ್ರತಿಸ್ಪರ್ಧಿಯನ್ನು ತಂದು ಕೊಡುವವ
    ಮನೆಯಲ್ಲಿ ಇವನ ಪಾತ್ರ ಬಲು ವಿಚಿತ್ರ
    ಪಿತ್ರಾರ್ಜಿತವನ್ನು ಪುತ್ರ ಭೋಗಿಸಬಹುದು. ಆದರೆ ಪುತ್ರಾರ್ಜಿತ ಮಾತ್ರ ಆತನ ಹೆಂಡತಿಗೇ
    ಮಗಧೀರ ಕಂಠೀರವ
    ಪುತ್ರಿಗಿಂತ ಎರಡು ಕೊಂಬು ಜಾಸ್ತಿಯುಳ್ಳವ
    ಮೀಸೆ ಗಡ್ಡ ಬಂದರೂ ತಾಯಿಗಿವನು ಮಗುವೇ
    ಇವನಿಗೆ ಮದುವೆ ಮಾಡಿಬಿಡೋದೇ ಪಾಲಕರ ಜೀವನೋದ್ದೇಶ
    ಒಂದಕ್ಕಿಂತ ಹೆಚ್ಚು ಪುತ್ರರಿದ್ದರೆ ಮನೆಯೇ ಕುರುಕ್ಷೇತ್ರ
    ತನ್ನ ಹತ್ರವೇ ಇರಲೆಂದು ಎಲ್ಲ ತಂದೆ ತಾಯಿಯರಿಂದಲೂ ಬಯಸಲ್ಪಡುವವನೇ ಪುತ್ರ
    ತಂದೆಯ ಹೆಸರಲ್ಲಿ ಮೇಲೆ ಬರುವವ. ಕೆಲವರು ತಾಯಿಯಿಂದಲೂ ಮೇಲೆ ಬರುವವರಿದ್ದಾರೆ. ಉದಾ- ರಾಹುಲ್ ಗಾಂಧಿ
    ಅಪ್ಪನ ಕೋಪಕ್ಕೆ ಕಾರಣನಾಗಿ, ಆ ಕೋಪಕ್ಕೆ ತಾಯಿಯನ್ನು ಗುರಿ ಮಾಡಿ ಬೈಸುವವ
    ಮಗಳಿಗಿಂತ ಲೇಟಾಗಿ ಬಂದರೂ ಯಾರೂ ಇವನನ್ನು ಕೇಳರು
    ಪುತ್ರ ವೀರ ಪ್ರತಾಪ, ಪುತ್ರಿ ಹುಟ್ಟಿದರೆ ಸಂತಾಪ..!

ವಿಶ್ವನಾಥ ಸುಂಕಸಾಳ