ಚಪಲ

   ಹಲ್ಲು ಬಿದ್ದರೂ ಮೆಲ್ಲುವ ಆಸೆ
    ಇಳಿ ವಯಸ್ಸಿನಲ್ಲೂ ಇಳಿಯದ ಬಯಕೆ
    ತೆವಳುವ ಸ್ಥಿತಿಯಲ್ಲೂ ತೊಲಗದ ತೆವಲು
    ಅದೂ ಬೇಕು ಇದೂ ಬೇಕು ಎಂಬ ಆಕಾಂಕ್ಷೆ
    ಪಾಯಸ ಕುಡಿದ ಮೇಲೂ ಕೈ  ನೆಕ್ಕುವಿಕೆ
    ಬಲವಾದ ಹಂಬಲ
    ಇದೊಂಥರಾ ಚಂಚಲ ಚಲಪತಿತ್ವ
    ತಿನ್ನುವ ಚಾಪಲ್ಯವುಳ್ಳವರನ್ನು ಕಟ್ಟಿಕೊಂಡರೆ ಅಡಿಗೆ ಮಾಡಿ ಹಾಕುವುದೇ ಮುಗಿಯುವುದಿಲ್ಲ
     ಚಾಪೆ ಹಾಸಿ ಮಲಗುವುದೇ ತಡ.....
    ಚಪಲ ಚನ್ನಿಗರಾಯನಿಗೆ ಮನೆಯಲ್ಲೊಂದು ಹೆಂಡತಿ, ಬೀದಿಯಲ್ಲೊಂದು ಗಿಂಡತಿ
    ಹಲ್ಲು ಕಿಸಿದು ಜೊಲ್ಲು ಸುರಿಸುವಿಕೆ
    ಮದನನ ಚಾಪದ ತುದಿಯಿಂದ ಹರಡುವ ಸಾಂಕ್ರಾಮಿಕ ಜಾಡ್ಯ
    ತಡೆಯೇ ಇಲ್ಲದ ತುಡಿತ
    ಮೊದ ಮೊದಲು ಚಪಲ. ಆಮೇಲೆ ಚಟ
    ಚಪಲ ತೀರಿಸಿಕೊಳ್ಳಲು ಸಫಲರಾದವರಿಲ್ಲ

-ವಿಶ್ವನಾಥ ಸುಂಕಸಾಳ
vishwasunkasal@yahoo.com