ನೇಣುಶಿಕ್ಷೆಗೆ ಒಳಪಡಿಸುವಾಗ ಮುಖಕ್ಕೆ ಕಪ್ಪುಬಟ್ಟೆ ಏಕೆ ತೊಡಿಸ್ತಾರೆ?

ವಿ. ಹೇಮಂತಕುಮಾರ, 9035992900
ಅವಳನ್ನು ಕಂಡಾಗಿನಿಂದ ಮನಸ್ಸು ಗಾಳಕ್ಕೆ ಸಿಕ್ಕ ಮೀನಾಗಿ ಚಡಪಡಿಸುತ್ತಿದೆಯಲ್ಲಾ?
ಮುಂದೆ ಬೋಳುತಲೆ ಹೇನಿನಂತೆ ಚಡಪಡಿಸಬೇಕಾಗಿ ಬರಬಹುದು ಹುಶಾರ್!

ಫ್ಯಾಷನ್ ಡಿಸೈನರ್ ಮಧು, 9945737427
ಚರ್ಮದ ಬಣ್ಣವೇ ಮನುಷ್ಯನ ಸೌಂದರ್ಯದ ಮಾನದಂಡ ಎನ್ನುವುದಾದರೆ, ಬಿಳಿ ಬಣ್ಣ ಶ್ರೇಷ್ಠವೋ ಕಪ್ಪು ಬಣ್ಣ ಶ್ರೇಷ್ಠವೋ?
ಬಿಳಿ ಶ್ರೇಷ್ಠವಲ್ಲ ಅಂದರೆ ಫೇರ್ ಆ್ಯಂಡ್ ಲವ್ಲಿ ಕಂಪನಿಯವರು ಬೇಜಾರು ಮಾಡ್ಕೋತಾರಲ್ಲ!

ಓಂ ಚನ್ನೇಶ್ ಅರಬಿಳಚಿಕ್ಯಾಂಪ್, 8861404122
ಪ್ರೀತಿ ಪ್ರೇಮದ ವಿಷಯದಲ್ಲಿ ಮೊದಲು ಸೋಲುವುದು ಗಂಡೋ? ಹೆಣ್ಣೋ?
ಯಾರು ಸೋತರೂ ಪರಿಣಾಮ ಒಂದೇ.

ಬಸವನಗೌಡ ಹೆಬ್ಬಳಗೆರೆ, ಚನ್ನಗಿರಿ
ನೇಣುಶಿಕ್ಷೆಗೆ ಒಳಪಡಿಸುವಾಗ ಮುಖಕ್ಕೆ ಕಪ್ಪುಬಟ್ಟೆ ಏಕೆ ತೊಡಿಸ್ತಾರೆ?
ನೇಣು ಹಾಕುವಾಗ ಯಾರು ಯಾರು ಇದ್ದರು ಅಂತ ನೋಡಿಕೊಂಡು ಭೂತವಾಗಿ ಬಂದು ಕಾಟ ಕೊಡದಿರಲಿ ಅಂತ.

ಜೆ.ಪಿ. ನಾಗರಾಜ, ದಾವಣಗೆರೆ, 9901193811
ದೇವರೇ ನನ್ನ ಗಂಡ ಅಂದ ಅಕ್ಕಮಹಾದೇವಿ ಸಂತಳಾದಳು. ಗಂಡಸರು?
ದೇವತೆಯಂತಹ ಹೆಂಡತಿ ಸಿಗಲಿ ಎಂದು ಬೇಡಿಕೊಳ್ಳುತ್ತಿದ್ದಾರೆ!

-ಬಾಣಭಟ್ಟ