ಆದರೆ...

ಮಾತಿಗೊಂದು ಸಣ್ಣ ತಿರುವು
    ಅಪೂರ್ಣ ಕ್ರಿಯಾ ದ್ಯೋತಕ
    ಅಪರ ಕಾರಣ ಪ್ರಸ್ತಾಪಕ
    ಅರೆ ಮಾತಿಗೆ ಮತ್ತೊಂದು ಮಾತನ್ನು ಜೋಡಿಸಿ ಪೂರ್ಣಗೊಳಿಸುವ ಸಂಬಂಧಿಕ
    ಕ್ರಿಯಾ ಅಪೂರ್ಣತೆಯ ಕಾರಣದ ಬಗೆಗಿನ ಸಂದೇಹ ವಾರಣದ ಸೂಚಕ
    ಹೀಗೆ ಆದರೆ ಹಾಗೆ ಆಗಬಹುದೆಂದು ಊಹಿಸಲ್ಪಡುವಾಗ ಬಳಸಲ್ಪಡುವ ಶಬ್ದ
     ಆದರೆಗಳೆಲ್ಲಾ ಆಗಿದ್ದರೆ ಹೀಗಾಗುತ್ತಲೇ ಇರಲಿಲ್ಲ. ಆದರೇನು ಮಾಡುವುದು...
    ಆತ ಒಳ್ಳೆಯವನೇ ಆದರೆ....(ಮಾತೇ ಆಡುವುದಿಲ್ಲ)
    ಆದರೆ ಹೋದರೆಗಳೆಲ್ಲ ಕಲ್ಪನೆಯ ಒಂದೊಂದು ತೆರೆ ಅಷ್ಟೇ
    ಆಧಾರವನ್ನು ಮುಂದಿಡುವಾಗ ಮೊದಲು ಬಳಸಲ್ಪಡುವ ಶಬ್ದ
    ನಿರಾಕರಣೆಯನ್ನು ಚೂರು ಕರುಣಾಪೂರಿತವಾಗಿ ಪ್ರಸ್ತುತಗೊಳಿಸುವ ಶಬ್ದ
    ನಾನು ಬರಬೇಕೆಂದುಕೊಂಡಿದ್ದೆ..ಆದರೆ...
    ನಾನು ಹಾಗೆ ಆಗಿದ್ದರೆ ಹೀಗೆ ಮಾಡುತ್ತಿದ್ದೆ ಎಂದೆಲ್ಲಾ ಕಾಗೆ ಹಾರಿಸಲು ಉಪಯೋಗವಾಗುವ ಶಬ್ದ
    ಆದರೂ ಸರಿ ಆಗದಿದ್ದರೂ ಸರಿಯೇ ಅನ್ನುವವ ಯಾವುದಕ್ಕೂ ಹೆದರಲಾರ
    ಹೇಗಾದರೂ ಸರಿ ಎನ್ನುವವನಿಗೆ ಆದರೆ ಎಂಬ ನೆಪದ ಹಂಗಿಲ್ಲ


-ವಿಶ್ವನಾಥ ಸುಂಕಸಾಳ
vishwasunkasal@yahoo.com