ಕಾಸು

ಕೂಸು ಹುಟ್ಟುವ ಮೊದಲೇ ಕೂಡಿಡಬೇಕಾದದ್ದು
    ಕೇಸು ಬೇಗ ಮುಗಿಯಲು ಖರ್ಚು ಮಾಡಬೇಕಾದದ್ದು
    ಕಾಸಿನ ಸರ ಮಾಡಿಸಲು ಬೇಕಾದ ಬಂಡವಾಳ
    ಕೆಲವರು ದುಸುಮುಸುಗುಡಲು ಕಾಸಿನ ಬಲವೇ ಕಾರಣ
    ಹೂಕೋಸು ಮಾರಿ ಗಳಿಸುವಂಥದ್ದು
    ಜಾಸ್ತಿ ಕಾಸಿದ್ದವಗೆ ಜಾಸ್ತಿ ಪ್ರಪೋಸು
    ಹಣಕಾಸಿನ ಅರ್ಧಾಂಗಿ
    ಕಾಸು ಇದ್ದವನ ಫೋಸು ತುಸು ಜಾಸ್ತಿಯೇ
    ಕಾಶಿಗೆ ಹೋಗಲು ಬೇಕಾದ ದ್ರವ್ಯ
    ಮನೆ ಮನಿ ಕತೆ
    ಇದು ಉಳ್ಳವರೆಲ್ಲಾ ದೊಡ್ಡಪ್ಪರೇ
    ಕಸುವುಳ್ಳವರು ಮಾತ್ರ ಗಳಿಸಬಹುದಾದದ್ದು
    ಕಸುಬಿದ್ದರೆ ಕಸದಿಂದಲೂ ಕಾಸು ತೆಗೆಯಬಹುದು
    ಕಾಸಿದ್ದವನು ಹೂಸು ಬಿಟ್ಟರೂ ಸುವಾಸನೆಯೇ
    ಪಿತ್ಥವೇರಿಸುವ ವಿತ್ತ


-ವಿಶ್ವನಾಥ ಸುಂಕಸಾಳ
vishwasunkasal@yahoo.com