ಪುರುಸೊತ್ತು

    ಇದು ಯಾರಪ್ಪನ ಸ್ವತ್ತೂ ಅಲ್ಲ. ನಾವೇ ಮಾಡಿಕೊಳ್ಳಬೇಕಾದ ಸ್ವಯಾರ್ಜಿತ
    ರಾಜನಂತೆ ಸಮಯ ಕಳೆಯಲೆಂದು ಸಿಗುವ ರಜಾ
    ಕಾರ್ಯದ ಬಂಧನದಿಂದ ಸಿಗುವ ಅಲ್ಪ ಬಿಡುವು
    ಹೆಚ್ಚಿನ ಸಮಯ ಇದು ಪರರ ಸೊತ್ತಾಗಿಬಿಡುತ್ತದೆ
    ಪುರುಪುರು ಕಾರ್ಯಗಳ ನಡುವೆ ಸಿಗುವ ಚೂರು ಆರಾಮು
    ತಲೆ ಚಿಟ್ಟು ಹಿಡಿಯುವುದನ್ನು ತಡೆಯುವ ಪ್ರತಿಬಂಧಕ
    ತಡವಾಯಿತು..ಬೇಗ ಬೇಗ ಎನ್ನುವ ಒತ್ತಡವಿಲ್ಲದ ಅವಕಾಶ
    ದಾಸ ದಾಸಿಯರು ಬಿಂದಾಸ್ ಆಗಿ ಕಳೆಯಬಹುದಾದ ಸಮಯ
    ನಿಮ್ಮ ಬಳಿ ಎಷ್ಟೇ ಸೊತ್ತು ಇರಬಹುದು. ಆದರೆ ಅನುಭವಿಸಲು ಪುರುಸೊತ್ತು ಇಲ್ಲವೆಂದರೆ ಅದು ಇದ್ದೂ ಇಲ್ಲದಂತೆ
    ಸತ್ತಂತಾದವನ ಮುಖದ ಮೇಲೆ ಚುಮುಕಿಸುವ ತಣ್ಣನೆಯ ಹನಿಗಳು
    ಪುರುಸೊತ್ತು ಇದ್ದಾಗ ನೀವು ಏನು ಮಾಡುತ್ತೀರಿ ಎಂಬುದರ ಮೇಲೆ ನಿಮ್ಮ ವ್ಯಕ್ತಿತ್ವವನ್ನು ತಿಳಿಯಬಹುದು
    ಪುರುಸೊತ್ತು ಇಲ್ಲದವರನ್ನು ಜಗತ್ತು ವರ್ಕೋ ಹಾಲಿಕ್ ಎಂದು ತಿರಸ್ಕರಿಸುತ್ತದೆ
    ತುಂಬ ಪುರುಸೊತ್ತು ಇರುವವರನ್ನು ಜಗತ್ತು ನಿರುದ್ಯೋಗಿ ಎನ್ನುತ್ತದೆ
    ಕೆಲವರಿಗೆ ಕೆಲಸವೂ ಇಲ್ಲ ಪುರುಸೊತ್ತೂ ಇಲ್ಲ ಎಂಬ ಸ್ಥಿತಿಯೇ ಹೆಚ್ಚು
    ಪುರುಸೊತ್ತು ಇಲ್ಲದಷ್ಟು ಕೆಲಸವಿದ್ದರೆ ಸಾಲದು, ಅದನ್ನು ಜಗತ್ತಿಗೆ ಅರ್ಥವಾಗುವಂತೆ ನಟಿಸಬೇಕು


-ವಿಶ್ವನಾಥ ಸುಂಕಸಾಳ
vishwasunkasal@yahoo.com