ಅನುಮತಿ

ಅನುಮತಿ
    ಮಾತು ಮಾತಿಗೂ ಕೇಳಬೇಕಾದ ಶ್ರೀಮತಿಯ ಸಮ್ಮತಿ
    ಅಪ್ಪುಗೆಗೂ ಮುನ್ನ ಬೇಕಾದ ಒಪ್ಪಿಗೆ
    ರಜಾ ತೆಗೆದುಕೊಳ್ಳಲೂ ಬೇಕು ಬಾಸ್‌ನ ಓಕೆ
    ಅಸ್ತು ಮಂತ್ರ
    ಸರೀನಾ ಎಂದಾಗ ಸರಿ ಸರಿ ಎಂದರೆ ಅದು ಅನುಮತಿ
    ತನ್ನ ಮಿತಿಯನ್ನು ಅರಿತವ ಇದನ್ನು ಕೇಳುತ್ತಾನೆ
    ಹೆಂಡತಿ ಕೇಳಿದ್ದಕ್ಕೆಲ್ಲಾ ಅನುಮತಿ ಕೊಟ್ಟುಬಿಡಬೇಕು, ಅದರಲ್ಲೂ ಆಕೆ ತವರು ಮನೆಗೆ ಹೋಗುವೆನೆಂದಾಗ
    ಅನುಮತಿಯಿಲ್ಲದೇ ಕಾರ್ಯವೆಸಗಬಾರದು. ವೈಫಲ್ಯವನ್ನು ಬೇರೆಯವರಿಗೆ ಅಂಟಿಸಲಾಗುವುದಿಲ್ಲ
    ಒಳ್ಳೆಯ ಕೆಲಸಕ್ಕೆ ಯಾರಪ್ಪನ ಅಪ್ಪಣೆಗೂ ಕಾಯಬಾರದು
    ಜೀವನದಲ್ಲಿ ಕೆಲವರು ವಿನೀತತೆಯನ್ನು ಪ್ರದರ್ಶಿಸುವುದು ಬಾಸ್ ಬಳಿ ರಜೆಗೆ ಅನುಮತಿ ಸ್ವೀಕರಿಸುವಾಗ ಮಾತ್ರ
    ಎಲ್ಲದಕ್ಕೂ ಮಿತಿಯಿದೆ; ಆದರೆ ಅನುಮತಿ ಕೇಳುವುದಕ್ಕಲ್ಲ
    ಉತ್ತಮ ಗಂಡ ಅನುಮತಿ ಕೇಳುತ್ತಾನೆ ಮತ್ತು ಉತ್ತಮ ಹೆಂಡತಿ ಅನುಮತಿ ನೀಡುತ್ತಾಳೆ
    ಅನುಮತಿಯಿಲ್ಲದೇ ಮಾಡುವ ಕೆಲಸಕ್ಕೆ ನಾವೇ ಹೊಣೆ ಹೊರಬೇಕಾಗುತ್ತದೆ
    ಕಿರಿಯರ ಆಸೆಗೆ ಹಿರಿಯರು ನೀಡುವ ಬೆಂಬಲ

ವಿಶ್ವನಾಥ ಸುಂಕಸಾಳ
vishwasunkasal@yahoo.com