ಇದೇ ವೇಳೆ ಇವಿಎಂಗೆ ಸಂಬಂಧಿಸಿದ ದೂರುಗಳ ನಿರ್ವಹಣೆಗೂ ಆಯೋಗ ಕ್ರಮ ಕೈಗೊಂಡಿದ್ದು, ಫಲಿತಾಂಶ ದಿನ 24 ಗಂಟೆ ಇವಿಎಂಗೆ ಸಂಬಂಧಿಸಿದ ದೂರುಗಳ ನಿರ್ವಹಣೆಗೆ ನಿಯಂತ್ರಣ ಕೊಠಡಿ ತೆರೆಯುವ ವ್ಯವಸ್ಥೆ ಮಾಡಿಕೊಂಡಿದೆ. ಮೂಲಗಳ ಪ್ರಕಾರ ಸ್ಟ್ರಾಂಗ್ ರೂಂನ ಸಂಗ್ರಹಣೆಯಲ್ಲಿನ ದೂರು, ಭದ್ರತಾ ಸಮಸ್ಯೆ, ಅಭ್ಯರ್ಥಿಗಳಿಂದ ನೇಮಕಗೊಂಡ ಏಜೆಂಟ್ ಗಳು ಸ್ಟ್ರಾಂಗ್ ರೂಮ್ ಪ್ರವೇಶ, ಸಿಸಿಟಿವಿ ನಿರ್ವಹಣೆ, ಇವಿಎಂಗಳ ಪ್ರತಿ ಚಲನೆ, ಎಣಕೆ ಸಮಯದಲ್ಲಿ ಕೇಳಿಬರುವ ಯಾವುದೇ ದೂರುಗಳನ್ನು ನಿಯಂತ್ರಣ ಕೊಠಡಿಗೆ ಮಾಹಿತಿ ನೀಡಬೇಕು ಎಂದು ಚುನಾವಣಾ ಆಯೋಗ ಮಾಹಿತಿ ನೀಡಿದೆ. ಜೊತೆಗೆ ನಿಯಂತ್ರಣ ಕೊಠಡಿಯ ಸಂಪರ್ಕ ಸಂಖ್ಯೆಯನ್ನು ಕೂಡ ಪ್ರಕಟಿಸಿದೆ.