ಅಭ್ಯರ್ಥಿಗಳಿಗೆ ಕ್ರಮ ಸಂಖ್ಯೆ ನೀಡುವಾಗ ತಾಂತ್ರಿಕವಾಗಿ ಸರ್ಕಾರದ ಚುನಾವಣಾ ನೀತಿ ನಿಯಮಗಳ ಪ್ರಕಾರ ಮಾಡುತ್ತಾರೆ. ಯಾವುದೇ ರಾಜ್ಯದಲ್ಲಾಗಲಿ, ಚುನಾವಣಾ ಕ್ಷೇತ್ರದಲ್ಲಾಗಲಿ ಗುರುತು ಹೊಂದಿರುವ ಪಕ್ಷಗಳ ಅಭ್ಯರ್ಥಿಗಳಿಗೆ ಮತಯಂತ್ರಗಳ ಸಾಲಿನಲ್ಲಿ ಕನ್ನಡ ವರ್ಣಮಾಲೆ ಪ್ರಕಾರ ಕ್ರಮಸಂಖ್ಯೆಯನ್ನು ಚುನಾವಣಾ ಆಯೋಗ ನೀಡುತ್ತದೆ. ಮಂಡ್ಯ ಕ್ಷೇತ್ರದಲ್ಲಿ ಗುರುತು ಹೊಂದಿರುವ ಪಕ್ಷಗಳು ಎರಡೇ ಒಂದು ಜೆಡಿಎಸ್ ಮತ್ತು ಮತ್ತೊಂದು ಬಿಎಸ್ ಪಿ. ಹೀಗಾಗಿ ಆ ಪಕ್ಷಗಳ ಅಭ್ಯರ್ಥಿಗಳಿಗೆ ಮೊದಲೆರಡು ಸ್ಥಾನಗಳು ಸಿಕ್ಕಿವೆ. ಇಲ್ಲಿ ಯಾವುದೇ ಪ್ರಭಾವ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು.