ಕ್ಯಾರೆಟ್ ಹಲ್ವ

ಬೇಕಾಗುವ ಪದಾರ್ಥಗಳು

• ಕ್ಯಾರೆಟ್ - 1/2 ಕೆಜಿ
• ಹಾಲು - 1 ಲೀಟರ್
• ಕೋವಾ - 50 ಗ್ರಾಂ
• ಸಕ್ಕರೆ - 1 ಬಟ್ಟಲು
• ತುಪ್ಪ - 10-15 ಚಮಚ

• ಕ್ಯಾರೆಟ್ ನ್ನು ಸಣ್ಣಗೆ ತುರಿದುಕೊಳ್ಳಬೇಕು. ಒಲೆಯ ಮೇಲೆ ಹಾಲಿಟ್ಟು ಚೆನ್ನಾಗಿ ಕಾಯಿಸಿಕೊಳ್ಳಬೇಕು.
•  ನಂತರ ಒಂದು ಪಾತ್ರೆಗೆ ತೆಗೆದುಕೊಂಡು ಇದಕ್ಕೆ ಸ್ವಲ್ಪ 5 ಚಮಚ ತುಪ್ಪ ಹಾಕಿ ಕ್ಯಾರೆಟ್ ನ್ನು ಚೆನ್ನಾಗಿ ಕೆಂಪಗೆ ಹುರಿದುಕೊಳ್ಳಬೇಕು.
  
• ಇದಕ್ಕೆ ಬಿಸಿ ಮಾಡಿಟ್ಟುಕೊಂಡ ಹಾಲು, ಸಕ್ಕರೆ ಹಾಕಿ ಕ್ಯಾರೆಟ್ ನ್ನು ಚೆನ್ನಾಗಿ ಬೇಯಲು ಬಿಡಬೇಕು.
  
• 25-30 ನಿಮಿಷ ವಾದ ನಂತರ ಹಾಲು ಹಾಗೂ ಕ್ಯಾರೆಟ್ ಚೆನ್ನಾಗಿ ಮಿಶ್ರಣವಾಗಿ ಕ್ಯಾರೆಟ್ ಚೆನ್ನಾಗಿ ಬೆಂದಿರುತ್ತದೆ. ಇದಕ್ಕೆ ಕೋವಾ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು.
  
• ನಂತರ ಕೆಳಗಿಳಿಸಿಕೊಳ್ಳುವಾಗ ಮಿಕ್ಕಿದ ತುಪ್ಪ ಹಾಕಿ ಮಿಶ್ರಣ ಮಾಡಿದರೆ ರುಚಿಕರವಾದ ಕ್ಯಾರೆಟ್ ಹಲ್ವ ಸಿದ್ದವಾಗುತ್ತದೆ.