ಲಂಡನ್: ಇಂಗ್ಲೆಂಡಿನಲ್ಲಿ ೧೦೦ ವರ್ಷ ಬದುಕಿರುವ ಅಜ್ಜಿ ತಮ್ಮ ದೀರ್ಘಾಯುಷ್ಯದ ರಹಸ್ಯ ಬಿಚ್ಚಿಟ್ಟಿದ್ದಾರೆ- ಹೌದು ಆ ಗುಟ್ಟೇನೆಂದರೆ ಬೆಳಗಿನ ತಿಂಡಿಗೆ ಒಂದು ಪೇಯಿಂಟ್ ಗಿನ್ನಿಸ್ ಬಿಯರ್! ಕಳೆದ ೭೦ ವರ್ಷದಿಂದ ಈ ಕಪ್ಪು ಪಾನಿಯವನ್ನು ಗ್ಲಾಡಿಸ್ ಫೀಲ್ಡಿನ್ ಸೇವಿಸುತ್ತಿದ್ದು ಅದು ಹಿತಾನುಭವ ಎನ್ನುತ್ತಾರೆ.
"ನಾನು ಪ್ರತಿ ಬೆಳಗ್ಗೆ ೧೦:೩೦ಕ್ಕೆ ಉಪ್ಪು ಮತ್ತು ವಿನೆಗರ್ ಕ್ರಿಸ್ಪ್ಸ್ ಜೊತೆ ಗ್ನಿನಿಸ್ ಬಿಯರ್ ಕುಡಿಯುತ್ತೇನೆ ಮತ್ತು ಇದೆ ನಾನಿಷ್ಟು ದಿನ ಬದುಕಿರುವಂತೆ ಮಾಡಿರುವುದು" ಎಂದು ಅಜ್ಜಿ ಡೈಲಿ ಎಕ್ಪ್ರೆಸ್ಸ್ ಗೆ ತಿಳಿಸಿದ್ದಾರೆ. ತನ್ನ ೯೦ ನೆ ವಯಸ್ಸಿನವರೆಗೆ ಬೇಕರಿಯಲ್ಲಿ ಕೆಲಸ ಮಾಡುವಂತೆ ಮಾಡಿರುವುದು ಒಂದು ಪೇಯಿಂಟ್ ಬಿಯರ್ ಎನ್ನುತ್ತಾರೆ.
ಕಳೆದ ಶನಿವಾರ ತಮ್ಮ ೧೦೦ನೆ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿರುವ ಗ್ಲಾಡಿಯವರಿಗೆ, ರಾಣಿ ಶುಭಾಶಯದ ಕಾರ್ಡ್ ಕಳುಹಿಸಿದ್ದಾರಂತೆ. "ನಾನು ಇದರಿಂದ ಅತೀವ ಸಂತಸಗೊಂಡಿದ್ದೇನೆ. ಎಷ್ಟು ಜನ ನನ್ನನು ನೋಡಲು ಬಂದಿದ್ದಾರೆ. ಅದ್ಭುತ" ಎಂದಿದ್ದಾರೆ.
