ಈ ಬಗ್ಗೆ ರಾಷ್ಟ್ರೀಯ ಔಷಧ ಬೆಲೆ ನಿಗದಿ ಪ್ರಾಧಿಕಾರ (ಎನ್ಪಿಪಿಎ) ಮಾಹಿತಿ ನೀಡಿದ್ದು, ದುಬಾರಿಯಾಗಿದ್ದ ಕಾರ್ಡಿಯಾಕ್ ಸ್ಟೆಂಟ್ ಗಳ ಬೆಲೆಯನ್ನು 27, 890ರೂಗಳಿಗೆ ಇಳಿಕೆ ಮಾಡಿದೆ. ಅಂತೆಯೇ ಲೋಹದ ಸ್ಟಂಟ್ ಗಳ ಬೆಲೆಯಲ್ಲಿ ಹೆಚ್ಚಳ ಮಾಡಲಾಗಿದ್ದು 7,400 ರಿಂದ 7,660 ರೂಗಳಿಗೆ ದರ ಹೆಚ್ಚಿಸಲಾಗಿದೆ. ಅಂತೆಯೇ ಈ ಬೆಲೆ ಜಿಎಸ್ಟಿ ಹೊರತು ಪಡಿಸಿದ ಬೆಲೆಯಾಗಿದೆ ಎಂದು ಪ್ರಾಧಿಕಾರ ಸ್ಪಷ್ಟಪಡಿಸಿದೆ. ಶೇ. 5 ರಷ್ಟು ಜಿಎಸ್ಟಿ ದರ ಹೇರಿಕೆ ಬಳಿಕ ಡಿಇಎಸ್ನ ಬೆಲೆ 29,285 ರೂ.ಗಳಾದರೆ ಲೋಹದ ಸ್ಟೆಂಟ್ ಗಳ ದರ 8,043 ರೂ.ಗಳಾಗಲಿದೆ. ಪರಿಷ್ಕೃತ ದರಗಳು 2019ರ ಮಾರ್ಚ್ 31ರ ವರೆಗೆ ಚಾಲ್ತಿಯಲ್ಲಿರಲಿವೆ ಎಂದು ತಿಳಿದುಬಂದಿದೆ.