ಮಲೇರಿಯಾ ಎಂಬುದು ಪ್ಲಾಸ್ಮೋಡಿಯಂ ಪರಾವಲಂಬಿಯಿಂದ ಸೋಂಕಿತ ಸೊಳ್ಳೆಗಳ ಕಡಿತದಿಂದ ಹರಡುವ ಕಾಯಿಲೆಯಾಗಿದೆ. ರೋಗದ ತೀವ್ರತೆಯು ಪ್ಲಾಸ್ಮೋಡಿಯಂನ ಪ್ರಬೇಧಗಳ ಮೇಲೆ ಅವಲಂಬಿತವಾಗಿರುತ್ತದೆ. ಸೊಳ್ಳೆ ಕಚ್ಚಿದ ಕೆಲವು ವಾರಗಳ ನಂತರ ತೀವ್ರ ಜ್ವರ ಮತ್ತು ಬೆವರುವಿಕೆಯ ರೋಗಲಕ್ಷಣಗಳನ್ನು ಒಳಗೊಂಡಿರುತ್ತದೆ.
ಮಲೇರಿಯಾದ ಮುಖ್ಯ ಲಕ್ಷಣವೆಂದರೆ ತೀವ್ರ ಜ್ವರ. ಬಿಟ್ಟು ಬಿಟ್ಟು ಬರುವ ಜ್ವರ. ಉದಾಹರಣೆಗೆ, ರೋಗಿಯು 30 ನಿಮಿಷಗಳ ಕಾಲ ಜ್ವರವನ್ನು ಹೊಂದಿರಬಹುದು. ಉಳಿದ ದಿನದಲ್ಲಿ ಜ್ವರವನ್ನು ಹೊಂದಿರುವುದಿಲ್ಲ. ನಂತರ ಒಂದೆರಡು ದಿನ ಜ್ವರ ಇರಬಹುದು. ಜ್ವರದ ನಡುವಿನ ಅಂತರವು ಪರಾವಲಂಬಿ ಜಾತಿಯ ಮೇಲೆ ಅವಲಂಬಿತವಾಗಿರುತ್ತದೆ ಎಂದು ಕೋಯಿಕ್ಕೋಡ್‌ ಸರ್ಕಾರಿ ವೈದ್ಯಕೀಯ ಕಾಲೇಜಿನ ಜನರಲ್ ಮೆಡಿಸಿನ್ ಸಹಾಯಕ ಪ್ರಾಧ್ಯಾಪಕ ಡಾ.ಶಮೀರ್ ವಿ.ಕೆ ಹೇಳಿದರು.
ಕಾಲಕಾಲಕ್ಕೆ ಬರುವ ಫ್ಲೂ ಸೋಂಕಿತ ರೋಗಿಯಲ್ಲಿ ಗಂಟಲು ನೋವು, ಕೆಮ್ಮು, ಶೀತ ಮುಂತಾದ ಉಸಿರಾಟ-ಸಂಬಂಧಿತ ರೋಗಲಕ್ಷಣಗಳನ್ನು ಹೊಂದಿರುತ್ತಾರೆ. ಮಲೇರಿಯಾದಲ್ಲಿ ಅಂತಹ ಲಕ್ಷಣಗಳು ಇರುವುದಿಲ್ಲ. ಡೆಂಗ್ಯೂ ಮತ್ತು ಚಿಕೂನ್‌ಗುನ್ಯಾ ಮಲೇರಿಯಾವನ್ನು ಹೋಲುತ್ತವೆ, ಚಿಕೂನ್‌ಗುನ್ಯಾ ಜ್ವರದಲ್ಲಿ ಕೀಲು ನೋವು ಹೆಚ್ಚಾಗಿದ್ದರೆ, ಡೆಂಗ್ಯೂ ಜ್ವರವು ತಲೆನೋವು ಮತ್ತು ದೇಹದ ನೋವು ಹೊಂದಿರುತ್ತದೆ. ಜ್ವರದ ಮಾದರಿಯನ್ನು ಹೊರತುಪಡಿಸಿ, ರೋಗಲಕ್ಷಣಗಳು ಡೆಂಗ್ಯೂ ಮತ್ತು ಮಲೇರಿಯಾ ಸಾಮ್ಯತೆಯಿರುತ್ತದೆ. ಚರ್ಮದ ಮೇಲಿನ ದದ್ದುಗಳು ಸಹ ಡೆಂಗ್ಯೂ ಲಕ್ಷಣವಾಗಿದೆ ಎಂದು ಅವರು ಹೇಳಿದರು.
ಆರಂಭದಲ್ಲಿಯೇ ಚಿಕಿತ್ಸೆ ಪಡೆದರು ಅಪಾಯಗಳನ್ನು ತಡೆಯಬಹುದು, ಆದರೆ ಮಲೇರಿಯಾ ಪತ್ತೆ ವಿಳಂಬವಾಗಿ ಚಿಕಿತ್ಸೆ ಪಡೆಯುವುದು ತಡವಾದರೆ ಮೂತ್ರಪಿಂಡದ ವೈಫಲ್ಯದಂತಹ ತೀವ್ರ ಸಮಸ್ಯೆಗಳು ಉಂಟಾಗಬಹುದು ಮತ್ತು ಅದು ಮಾರಕವಾಗಬಹುದು. ಅಂತಹ ಒಂದು ಸಮಸ್ಯೆ ಎಂದರೆ ಮೆದುಳಿನ ಮೇಲೆ ಪರಿಣಾಮ ಬೀರುವ ಸೆರೆಬಲ್ ಮಲೇರಿಯಾ. ಮೂರ್ಛೆ ಹೋಗುವಿಕೆ ಮತ್ತು ಬದಲಾದ ನಡವಳಿಕೆ ಸಹ ರೋಗಲಕ್ಷಣಗಳಲ್ಲಿ ಒಳಗೊಂಡಿರುತ್ತದೆ. ಇದು ಜೀವಕ್ಕೆ ಅಪಾಯಕಾರಿ ಸ್ಥಿತಿಯಾಗಿದೆ. ಮತ್ತೊಂದು ಅಪಾಯವೆಂದರೆ ಮೂತ್ರಪಿಂಡ ವೈಫಲ್ಯ ಎಂದರು ಡಾ.ಶಮೀರ್.
ಮಲೇರಿಯಾವು ನಿಮ್ಮ ದೇಹದ ಅಂಗಾಂಗ ಕೋಶಗಳಿಗೆ ಆಮ್ಲಜನಕದ ಸಾಕಷ್ಟು ಪೂರೈಕೆಗಾಗಿ ಇರುವ ಕೆಂಪು ರಕ್ತ ಕಣಗಳಲ್ಲಿ (RBC) ಕುಸಿತಕ್ಕೆ ಕಾರಣವಾಗಬಹುದು. ಈ ಪರಾವಲಂಬಿ ಕೆಂಪು ರಕ್ತ ಕಣದಲ್ಲಿ ಬೆಳೆದು ಅದನ್ನು ನಾಶಪಡಿಸುತ್ತದೆ. ನಂತರ ಪ್ಲೇಟ್ಲೆಟ್ ಎಣಿಕೆಯಲ್ಲಿ ಕುಸಿತಕ್ಕೆ ಕಾರಣವಾಗುತ್ತದೆ. ಇದರಿಂದ ರಕ್ತಹೀನತೆ, ಕಾಮಾಲೆ ಮತ್ತು ಕಪ್ಪು ನೀರಿನ ಜ್ವರ ಬರಬಹುದು ಎಂದು ತಿಳಿಸಿದರು.
ರಕ್ತ ಪರೀಕ್ಷೆಗಳ ಮೂಲಕ ಪರಾವಲಂಬಿ ಇರುವಿಕೆಯನ್ನು ಪರಿಶೀಲಿಸಬಹುದು. ಇದನ್ನು ಪೆರಿಫೆರಲ್ ಸ್ಮೀಯರ್ ಟೆಸ್ಟ್ ಮೂಲಕ ಪತ್ತೆಹಚ್ಚಬಹುದು. ಪರಾವಲಂಬಿ ಇರುವಿಕೆಯನ್ನು ಪರೀಕ್ಷಿಸಲು ಅದನ್ನು ಸೂಕ್ಷ್ಮದರ್ಶಕದ ಅಡಿಯಲ್ಲಿ ಪರೀಕ್ಷಿಸಲಾಗುತ್ತದೆ.
ಮಲೇರಿಯಾ ಪೀಡಿತ ಪ್ರದೇಶಗಳಿಗೆ ಪ್ರಯಾಣಿಸುವಾಗ ಅಥವಾ ಅಲ್ಲಿ ವಾಸಿಸುವ ಜನರನ್ನು ಸಂಪರ್ಕಿಸದಂತೆ ವೈದ್ಯರು ಸಲಹೆ ನೀಡುತ್ತಾರೆ. ಸೊಳ್ಳೆ ಕಡಿತ ತಪ್ಪಿಸಲು ಸೊಳ್ಳೆ ಪರದೆ ಅಡಿಯಲ್ಲಿ ಮಲಗುವುದು, ಕೀಟ ನಿವಾರಕವನ್ನು ಬಳಸುವುದು ಮತ್ತು ರೋಗನಿರೋಧಕ ಔಷಧವನ್ನು ತೆಗೆದುಕೊಳ್ಳಬೇಕಾಗುತ್ತದೆ.
ಸೋಂಕಿತ ವ್ಯಕ್ತಿಯನ್ನು ಕಚ್ಚಿದ ನಂತರ ಸೊಳ್ಳೆಯು ಸೋಂಕಿಗೆ ಒಳಗಾದಾಗ ಮಲೇರಿಯಾ ಹರಡುತ್ತದೆ. ಸೋಂಕಿತ ಸೊಳ್ಳೆ ನಂತರ ಸೋಂಕಿತರಲ್ಲದ ವ್ಯಕ್ತಿಯನ್ನು ಕಚ್ಚುತ್ತದೆ. ಮಲೇರಿಯಾ ಪರಾವಲಂಬಿಗಳು ಆ ವ್ಯಕ್ತಿಯ ರಕ್ತವನ್ನು ಪ್ರವೇಶಿಸಿ ಯಕೃತ್ತು ಪ್ರವೇಶಿಸುತ್ತದೆ. ಪರಾವಲಂಬಿಗಳು ಬೆಳೆದಾಗ, ಅವು ಯಕೃತ್ತನ್ನು ಬಿಟ್ಟು ಕೆಂಪು ರಕ್ತ ಕಣಗಳಿಗೆ ಸೋಂಕು ತರುತ್ತವೆ.
ಸೋಂಕು: ಮಲೇರಿಯಾ ಪೀಡಿತ ವ್ಯಕ್ತಿಯನ್ನು ಕಚ್ಚುವ ಮೂಲಕ ಸೊಳ್ಳೆಯು ಸೋಂಕಿಗೆ ಒಳಗಾಗುತ್ತದೆ
ಪರಾವಲಂಬಿ ಹರಡುವಿಕೆ: ಸೋಂಕಿತ ಸೊಳ್ಳೆಯು ಮಲೇರಿಯಾ ಪರಾವಲಂಬಿಗಳನ್ನು ಇನ್ನೊಬ್ಬ ವ್ಯಕ್ತಿಗೆ ಹರಡುತ್ತದೆ
ಯಕೃತ್ತು: ಪರಾವಲಂಬಿಗಳು ದೇಹವನ್ನು ಪ್ರವೇಶಿಸಿದ ನಂತರ, ಅವು ಯಕೃತ್ತು ಪ್ರವೇಶಿಸುತ್ತದೆ. ಅಲ್ಲಿ ಕೆಲವು ವಿಧಗಳು ಒಂದು ವರ್ಷದವರೆಗೆ ಸುಪ್ತವಾಗಿರುತ್ತವೆ.
RBC ದಾಳಿ: ಪರಾವಲಂಬಿಗಳು ಬೆಳೆದಾಗ, ಅವು ಯಕೃತ್ತನ್ನು ಬಿಟ್ಟು ಕೆಂಪು ರಕ್ತ ಕಣಗಳಿಗೆ (ಆರ್ಬಿಸಿ) ಸೋಂಕು ತಗುಲುತ್ತವೆ. ಈ ಸಮಯದಲ್ಲಿ ಜನರು ಮಲೇರಿಯಾ ರೋಗಲಕ್ಷಣಗಳನ್ನು ಹೊಂದುತ್ತಾರೆ.
ಪುನರಾವರ್ತನೆ: ಸೋಂಕಿತವಲ್ಲದ ಸೊಳ್ಳೆಯು ಈ ಹಂತದಲ್ಲಿ ವ್ಯಕ್ತಿಯನ್ನು ಕಚ್ಚಿದರೆ, ಅದು ಸೋಂಕಿಗೆ ಒಳಗಾಗುತ್ತದೆ ಮತ್ತು ಇತರರಿಗೆ ಹರಡಬಹುದು.
Advertisement