ಬೆಂಗಳೂರು: ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ ಫಿಕ್ಸ್ ಮೈ ಸ್ಟ್ರೀಟ್ (ನನ್ನ ಬೀದಿ ಸರಿಪಡಿಸಿ) ಆ್ಯಪ್ ಅನ್ನು ಬಿಡುಗಡೆ ಮಾಡಿದೆ.
ಆ್ಯಪ್ ಮುಖೇನ ನಾಗರಿಕರು ತಮ್ಮ ರಸ್ತೆಯಲ್ಲಿನ ಸಮಸ್ಯೆ ಕುರಿತಂತೆ ಛಾಯಾಚಿತ್ರ ಸಮೇತ ದೂರು ಸಲ್ಲಿಸಬಹುದಾಗಿದೆ. ಹೀಗೆ ದೂರು ಸಲ್ಲಿಸಿದ ತಕ್ಷಣವೇ ಸಂಬಂಧಿಸಿದ ಅಧಿಕಾರಿಗಳಿಗೆ ಈ ಸಂದೇಶ ರವಾನೆಯಾಗುತ್ತದೆ.
ರಸ್ತೆ ಗುಂಡಿ, ಕಸ, ಬೀದಿ ದೀಪ ಸೇರಿ ಇತರೆ ಯಾವ ಸಮಸ್ಯೆಗಳಿದ್ದರೂ ಸಹ ಈ ಆ್ಯಪ್ ಮೂಲಕ ದೂರು ಸಲ್ಲಿಸಲು ಸಾದ್ಯ. ಹಾಗೆಯೇ ಸಮಸ್ಯೆ ಬಗೆಹರಿದ ನಂತರ ದೂರು ಸಲ್ಲಿಸಿದ್ದವರ ಮೊಬೈಲ್ ಗೆ ಚಿತ್ರ ಸಮೇತ ಸಂದೇಶ ಸಿಗುತ್ತದೆ. ನಾಗರಿಕರು ಗೂಗಲ್ ಪ್ಲೇ ಸ್ಟೋರ್ ಮೂಲಕ ಈ ಆ್ಯಪ್ ಡೌನ್ ಲೋಡ್ ಮಾಡಿಕೊಳ್ಳಬಹುದು ಇದರ ಸಂಬಂಧ ಲಿಂಕ್ ಹೀಗಿದೆ- bit.ly/2nKAWCe
