ರೊನ್ ತಾಲೂಕಿನ ನಿವಾಸಿಯಾಗಿರುವ ಅಮರಪ್ಪ ಭಾವಿ ಅವರು ಡೊಳ್ಳು ಕುಣಿತ ಕಲಾವಿದರಾಗಿದ್ದಾರೆ. ನೃತ್ಯ ಕುರಿತಂತೆ ಮಾತನಾಡಿರುವ ಅವರು, ಡೊಳ್ಳು ಕುಣಿತವನ್ನು ಚಿಕ್ಕ ಹುಡುಗನಾಗಿದ್ದಾಗಿನಿಂದಲೂ ಮಾಡುತ್ತಿದ್ದೇನೆ. ಗ್ರಾಮದಲ್ಲಿ ಹಬ್ಬ, ಮಹೋತ್ಸವ, ದೀಪಾವಳಿ, ಯುಗಾದಿ ಹಬ್ಬಗಳು ಬಂದಾಗ ನಮ್ಮ ತಾತಂದಿರು ಮಾಡುತ್ತಿದ್ದರು. ನೃತ್ಯಕ್ಕೆ ಪ್ರತಿಯಾಗಿ ಗ್ರಾಮದ ಮುಖ್ಯಸ್ಥರು ನಮಗೆ ವೇತನವೆಂಬಂತೆ ಗೋದಿಯನ್ನು ನೀಡುತ್ತಿದ್ದರು. ಸರ್ಕಾರದ ವತಿಯಿಂದ ಯಾವುದಾದರೂ ಕಾರ್ಯಗಳು ಆಯೋಜಿಸಿದರೆ ಅಲ್ಲಿ ನೃತ್ಯ ಪ್ರದರ್ಶಿಸಿದ ಸಂದರ್ಭದಲ್ಲಿ ನಮಗೆ ಹಣವನ್ನು ನೀಡುತ್ತಾರೆ. ರೋಡ್ ಶೋ ಗಳಲ್ಲಿ ರಾಜಕೀಯ ಪಕ್ಷಗಳ ನಾಯಕರು ನಮ್ಮೊಂದಿಗೆ ಕುಣಿಯುತ್ತಾರೆ ಎಂದು ಹೇಳಿದ್ದಾರೆ.
