ತುಮಕೂರು: ಜಮ್ಮು-ಕಾಶ್ಮೀರದ ಅನಂತನಾಗ್ ಜಿಲ್ಲೆಯಲ್ಲಿ ಭಾರತೀಯ ಸೇನೆಯಲ್ಲಿರುವ ತುಮಕೂರಿನ ಎಂ. ಸಾದಿಕ್ 70ನೇ ಗಣರಾಜ್ಯೋತ್ಸವದಲ್ಲಿ ಶೌರ್ಯ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ತುಮಕೂರಿನ ಪೂರ್ಹೌಸ್ ಕಾಲೋನಿ ನಿವಾಸಿ ಎಂ. ಸಾದಿಕ್ 2004ರಲ್ಲಿ ಭಾರತೀಯ ಸೇನೆ ಸೇರಿದ್ದು, ಸದ್ಯ ಕಾಶ್ಮೀರದ ಕುಲ್ಗಾಮ್ಲ್ಲಿ ರಾಷ್ಟ್ರೀಯ ರೈಫಲ್ಸ್ 1ನೇ ಬೆಟಾಲಿಯನ್ನಲ್ಲಿದ್ದಾರೆ.
ಸಾದಿಕ್ ತುರುವೇಕೆರೆ ತಾಲೂಕಿನ ಅಮ್ಮಸಂದ್ರದವರು. ತಂದೆ ದಿ.ಮೊಹಮ್ಮದ್ ಸಲೀಂ, ತಾಯಿ ಸಿರಾಜುನ್ನೀಸಾ. 10 ವರ್ಷಗಳ ಹಿಂದೆಯೇ ಕುಟುಂಬ ತುಮಕೂರಿಗೆ ಬಂದು ನೆಲೆಸಿದ್ದಾರೆ.
ಕಳೆದ ಅಕ್ಟೋಬರ್ನಲ್ಲಿ ಮೂವರು ಉಗ್ರರ ಎನ್ಕೌಂಟರ್ ಮಾಡಿದ್ದಕ್ಕೆ ಸಾದಿಕ್ ಶೌರ್ಯ ಪ್ರಶಸ್ತಿಗೆ ಆಯ್ಕೆ ಆಗಿದ್ದಾರೆ. ಎನ್ಎಸ್ಜಿ ಪಡೆ, ದಕ್ಷಿಣಾ ಆಫ್ರಿಕಾದ ಸೂಡಾನ್ಗೆ ತೆರಳಿದ್ದ ವಿಶ್ವಸಂಸ್ಥೆ ಶಾಂತಿ ಸೇನೆಯಲ್ಲೂ ಸಾದಿಕ್ ಇದ್ದರು.
