ಆಟೋ ರಿಕ್ಷಾದಲ್ಲಿ ಬಿಟ್ಟಿದ್ದ ಪರ್ಸ್ ನ್ನು ಯುವತಿಗೆ ಹಿಂತಿರುಗಿಸಿ ಪ್ರಾಮಾಣಿಕತೆ ಮೆರೆದ ಚಾಲಕ

ಬೆಂಗಳೂರು: ಆಟೋ ರಿಕ್ಷಾವೊಂದರಲ್ಲಿ ಪರ್ಸ್ ಮರೆತು ಬಿಟ್ಟು ಹೋಗಿದ್ದ ಯುವತಿಗೆ ಆಟೋ ಚಾಲಕ ಪುನಃ ಹಿಂತಿರುಗಿಸಿ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಶ್ರೀಕಂಠಯ್ಯ ಎಂಬ ಆಟೋ ಚಾಲಕರು ಮಹದೇವಪುರ ಹತ್ತಿರದ ಮಾಲ್ ನಿಂದ ಯುವತಿಯೊಬ್ಬರು ನಿನ್ನೆ ಹತ್ತಿ ಒಂದು ಕಿಲೋ ಮೀಟರ್ ದೂರದಲ್ಲಿ ಇಳಿದುಹೋಗಿದ್ದರು. ಆದರೆ ಈ ವೇಳೆ ಅವರು ತಮ್ಮ ಪರ್ಸನ್ನು ಆಟೋದಲ್ಲೇ ಮರೆತು ಹೋಗಿದ್ದರು. ಇದನ್ನು ಗಮನಿಸಿದ್ದ ಆಟೋ ಚಾಲಕ ಶ್ರೀಕಂಠಯ್ಯ ಅದನ್ನು ನೇರವಾಗಿ ಪೊಲೀಸ್ ಆಯುಕ್ತರ ಕಚೇರಿಗೆ ಒಪ್ಪಿಸಿದ್ದರು.