KSMSCL ಅಧಿಕಾರಿಗಳಿಂದ ಅಕ್ರಮ: TNIE ವರದಿ ಬೆನ್ನಲ್ಲೆ ಅಧಿಕಾರಿಗಳಿಂದ ವರದಿ ಕೇಳಿದ ಎಂಡಿ

ಬೆಂಗಳೂರು: ಕರ್ನಾಟಕ ರಾಜ್ಯ ವೈದ್ಯಕೀಯ ಸರಬರಾಜು ನಿಗಮ ನಿಯಮಿತದ (KSMSCL) ಅಧಿಕಾರಿಗಳು ಅಗತ್ಯ ವೈದ್ಯಕೀಯ ಸಾಮಗ್ರಿಗಳನ್ನು ಅಕ್ರಮವಾಗಿ ದಾಸ್ತಾನು ಇಟ್ಟುಕೊಂಡಿರುವ ಬಗ್ಗೆ ದಿ ನ್ಯೂ ಇಂಡಿಯನ್ ಎಕ್ಸ್ ಪ್ರೆಸ್ ವರದಿ ಪ್ರಕಟಗೊಂಡ ಬೆನ್ನಲ್ಲೇ ಹಿರಿಯ ಅಧಿಕಾರಿಗಳು ಎಚ್ಚೆತ್ತುಕೊಂಡಿದ್ದಾರೆ.

KSMSCL ನ ವ್ಯವಸ್ಥಾಪಕ ನಿರ್ದೇಶಕ ಶ್ರೀನಿವಾಸ್ ಈ ಹಗರಣದ ಬಗ್ಗೆ ಸಂಬಂಧಪಟ್ಟ ಅಧಿಕಾರಿಗಳಿಂದ ವರದಿ ಕೇಳಿದ್ದಾರೆ.

ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿರುವ ಆರೋಗ್ಯ ಇಲಾಖೆ ಮತ್ತು ಕೆಎಸ್‌ಎಂಎಸ್‌ಸಿಎಲ್ ಎಂಡಿ, “ವರದಿಯಾಗಿರುವ ಸಮಸ್ಯೆ, ಗಂಭೀರ ಮತ್ತು ಕಳವಳಕಾರಿಯಾಗಿದೆ ಮತ್ತು ಗೋದಾಮಿನ ಕಾರ್ಯಾಚರಣೆಗಳ ಸಮಗ್ರತೆ ಮತ್ತು ಸರಿಯಾದ ಕಾರ್ಯನಿರ್ವಹಣೆಯನ್ನು ಖಚಿತಪಡಿಸಿಕೊಳ್ಳಲು ಸಂಪೂರ್ಣ ತನಿಖೆ ನಡೆಸಲಾಗುವುದು ಎಂದು ತಿಳಿಸಿದ್ದಾರೆ.

ದಾಸ್ತಾನು ಸಂಗ್ರಹ ಪರಿಶೀಲನೆ, ಸಂದರ್ಶನಗಳು ಮತ್ತು ತಪಾಸಣೆ ಮತ್ತು ಡೇಟಾ ಸಂಗ್ರಹಣೆಯೊಂದಿಗೆ ದೂರನ್ನು ರುಜುವಾತುಪಡಿಸಿದರೆ ತನಿಖಾ ಪ್ರಕ್ರಿಯೆ ಮತ್ತು ಅನುಷ್ಠಾನಗೊಳಿಸಲಾಗುವ ಕ್ರಮಗಳು ಸೇರಿದಂತೆ ದೂರಿಗೆ ಸೂಕ್ತವಾದ ಕ್ರಮಗಳನ್ನು ತೆಗೆದುಕೊಳ್ಳಲಾಗುತ್ತದೆ" ಎಂದು ಎಂಡಿ ತಿಳಿಸಿದ್ದಾರೆ.

ಮೈಸೂರಿನ ಗೋದಾಮಿನಲ್ಲಿ ಪ್ರಸ್ತುತ ಸ್ಟಾಕ್ ಪೊಸಿಷನ್ ಬಗ್ಗೆ ಸಮಗ್ರ ಪರಿಶೀಲನೆಗೆ ಇದೇ ವೇಳೆ KSMSCL ಎಂಡಿ ಸೂಚನೆ ನೀಡಿದ್ದಾರೆ. ಇನ್ವೆಂಟರಿ ದಾಖಲೆಗಳನ್ನು ಲೆಕ್ಕಪರಿಶೋಧಿಸಲಾಗುತ್ತದೆ ಮತ್ತು ಯಾವುದೇ ವ್ಯತ್ಯಾಸಗಳನ್ನು ಗುರುತಿಸಲು ಭೌತಿಕ ಸ್ಟಾಕ್‌ಗಳೊಂದಿಗೆ ಹೋಲಿಸಲಾಗುತ್ತದೆ. ಸಂಗ್ರಹಣೆ ಮತ್ತು ಸ್ಟಾಕ್ ನಿರ್ವಹಣೆಯ ಕಾರ್ಯವಿಧಾನಗಳನ್ನು ಅನುಸರಿಸಲಾಗಿದೆಯೇ ಎಂದು ಪರಿಶೀಲಿಸಲು ಗೋದಾಮನ್ನು ಪರಿಶೀಲಿಸಲಾಗುವುದು ಎಂದು ಪ್ರಕಟಣೆ ಹೇಳಿದೆ.

ಸ್ಟಾಕ್ ವಹಿವಾಟುಗಳು, ಸಾಗಣೆಗಳು ಮತ್ತು ರಶೀದಿ ದಾಖಲೆಗಳ ಡೇಟಾವನ್ನು ಉಗ್ರಾಣ ನಿರ್ವಹಣಾ ವ್ಯವಸ್ಥೆಯಿಂದ ಪಡೆಯಲಾಗುವುದು, ಸ್ಟಾಕ್ ಚಲನೆಗಳ ಟೈಮ್‌ಲೈನ್ ಮತ್ತು ಯಾವುದೇ ವರದಿ ಮಾಡಿದ ಸಮಸ್ಯೆಗಳನ್ನು ವಿಶ್ಲೇಷಣೆಗಾಗಿ ರಚಿಸಲಾಗುತ್ತದೆ ಎಂದು ಎಂಡಿ ಇದೇ ವೇಳೆ ಹೇಳಿದ್ದಾರೆ.

ಆರಂಭಿಕ ಸ್ಟಾಕ್ ಪೊಸಿಷನ್ ಪರಿಶೀಲನೆಯಲ್ಲಿ ಯಾವುದೇ ಅಕ್ರಮಗಳನ್ನು ಗುರುತಿಸಿದರೆ, ತಕ್ಷಣವೇ ಸರಿಪಡಿಸುವ ಕ್ರಮಗಳನ್ನು ತೆಗೆದುಕೊಳ್ಳಲಾಗುವುದು ಎಂದು ಎಂಡಿ ತಿಳಿಸಿದ್ದಾರೆ. ತನಿಖೆ ಮುಕ್ತಾಯವಾಗುವವರೆಗೆ ಹೆಚ್ಚಿನ ಮೇಲ್ವಿಚಾರಣೆಯೊಂದಿಗೆ. ಇನ್ವೆಂಟರಿ ನಿರ್ವಹಣಾ ಪ್ರಕ್ರಿಯೆಗಳನ್ನು ತಾತ್ಕಾಲಿಕವಾಗಿ ವರ್ಧಿಸಲಾಗುತ್ತದೆ, ಹಗರಣಕ್ಕೆ ಕಾರಣರಾದವರ ವಿರುದ್ಧ ಕಠಿಣ ಶಿಸ್ತು ಕ್ರಮ ಜರುಗಿಸಲಾಗುವುದು ಎಂದು ಎಂಡಿ ತಿಳಿಸಿದ್ದಾರೆ.