ಟೆಹ್ರಾನ್: ಇರಾನ್ ಹಾಗೂ ಅಮೆರಿಕ, ಇಸ್ರೇಲ್ ನಡುವಿನ ಯುದ್ಧ ದಿನದಿಂದ ದಿನಕ್ಕೆ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದೆ. ಇರಾನ್ ನ ಪ್ರಮುಖ ಸೇನಾ ನೆಲೆಗಳ ಮೇಲೆ ಭೂ ದಾಳಿ ನಡೆಸಲು ಅಮೆರಿಕ ಸೈನಿಕರನ್ನು ಕಳುಹಿಸುತ್ತಿರುವುದಕ್ಕೆ ಕೆಂಡ ಕಾರಿರುವ ಇರಾನ್, ನಾವೂ ಕೂಡ ಸಿದ್ಧವಾಗಿದ್ದು, ನಿಮಗಾಗಿ ಕಾಯುತ್ತಿದ್ದೇವೆ ಎಂದು ವಿಡಿಯೋ ಫೂಟೇಜ್ ಬಿಡುಗಡೆ ಮಾಡುವ ಮೂಲಕ ಎಚ್ಚರಿಕೆ ನೀಡಿದೆ.
ಇರಾನ್ನ ಪ್ರೆಸ್ ಟಿವಿ ಪ್ರಕಟಿಸಿದ ಹೊಸದಾಗಿ ಬಿಡುಗಡೆಯಾದ ವಿಡಿಯೋದಲ್ಲಿ, ಇಸ್ಲಾಮಿಕ್ ಗಣರಾಜ್ಯದ ಸೇನೆಯು ತನ್ನ ಕಮಾಂಡೋಗಳು ಶಸ್ತ್ರಾಸ್ತ್ರದೊಂದಿಗೆ ಸಿದ್ಧವಾಗಿರುವುದನ್ನು ಪ್ರದರ್ಶಿಸಿದ್ದು, "ಅಮೆರಿಕನ್ ಸೈನಿಕರನ್ನು ಎದುರಿಸಲು ಮತ್ತು ಸೋಲಿಸಲು ಸಿದ್ಧ" ಎಂದು ಹೇಳಿದೆ.
59 ಸೆಕೆಂಡುಗಳ ಈ ವಿಡಿಯೋವು "ಹತ್ತಿರ ಬನ್ನಿ, ನಾವು ನಿಮಗಾಗಿ ಕಾಯುತ್ತಿದ್ದೇವೆ" ಎಂಬ ಸಂದೇಶದೊಂದಿಗೆ ಇರಾನಿನ ವಿಶೇಷ ಪಡೆಗಳನ್ನು ತೋರಿಸಲಾಗಿದೆ.
ವಿಡಿಯೋದ ತುಣುಕುಗಳಲ್ಲಿ, ಪೂರ್ಣ ಸಜ್ಜಾಗಿರುವ ಸೈನಿಕರು ಯುದ್ಧ ಕವಾಯತುಗಳನ್ನು ಅಭ್ಯಾಸ ಮಾಡುತ್ತಿರುವುದನ್ನು ಮತ್ತು ಒರಟಾದ ಭೂಪ್ರದೇಶದ ಮೂಲಕ ಪಡೆಗಳು ಮುನ್ನಡೆಯುತ್ತಿರುವುದನ್ನು ತೋರಿಸಲಾಗಿದೆ. ಮತ್ತೊಂದು ಕ್ಲಿಪ್ನಲ್ಲಿ ದೊಡ್ಡ ಇರಾನಿನ ಸೇನಾ ಕ್ಷಿಪಣಿ ಲಾಂಚರ್ ವಾಹನವು ತನ್ನ ಶಸ್ತ್ರಾಸ್ತ್ರವನ್ನು ಹಾರಿಸುವುದನ್ನು ಮತ್ತು ನಂತರ ಸ್ಫೋಟಗಳನ್ನು ತೋರಿಸುತ್ತದೆ.
Advertisement
