ಹಲೋ, ನಮಗೂ ಕಾರ್ಯಕರ್ತರಿದ್ದಾರೆ: ಚುನಾವಣೆ ಬಂದಾಗ ಗೆದ್ದು ತೋರಿಸಿ; ಡಿಕೆಶಿ ಮುಂದೆಯೇ ಕೈ ಕಾರ್ಯಕರ್ತರಿಗೆ ಜಾಡಿಸಿದ ಬಿಜೆಪಿ ಶಾಸಕಿ!

ಕ್ಷೇತ್ರದಲ್ಲಿ ತಾವು ಮಾಡಿರುವ ಕೆಲಸಗಳ ಬಗ್ಗೆ ಶಾಸಕಿ ಮಂಜುಳಾ ಲಿಂಬಾವಳಿ ವಿವರಣೆ ಕೊಡ್ತಿದ್ದರು. ಈ ವೇಳೆ ಕಾರ್ಯಕ್ರಮದಲ್ಲಿ ಕೂತಿದ್ದ ಕಾರ್ಯಕರ್ತರು ಆಕ್ಷೇಪ ವ್ಯಕ್ತಪಡಿಸಿ ಗದ್ದಲ ಎಬ್ಬಿಸಿದರು.
Dk Shivakumar and manjula limbavali
ಡಿ.ಕೆ ಶಿವಕುಮಾರ್ ಮತ್ತು ಮಂಜುಳಾ ಲಿಂಬಾವಳಿ
Updated on: 

ಬೆಂಗಳೂರು: ಸಿಎಂ ಡಿಕೆ ಶಿವಕುಮಾರ್ ಮುಂದೆಯೇ ಕಾಂಗ್ರೆಸ್ ಕಾರ್ಯಕರ್ತರ ಮೇಲೆ ಬಿಜೆಪಿ ಶಾಸಕಿ ಫುಲ್ ಗರಂ ಆಗಿ ತರಾಟೆಗೆ ತೆಗೆದುಕೊಂಡ ಘಟನೆ ಮಹಾದೇವಪುರ ಕ್ಷೇತ್ರದಲ್ಲಿ ನಡೆದಿದೆ.

ಮಹಾದೇವಪುರದ ಗುಂಜೂರಿನಲ್ಲಿಂದು ಸಂಜೆ ನಡೆದ ಜಿಬಿಎ ಕಾಮಗಾರಿಗಳ ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ತಮ್ಮ ಭಾಷಣಕ್ಕೆ ಆಕ್ಷೇಪಿಸಿ ಅಡ್ಡಿಪಡಿಸಲೆತ್ನಿಸಿದ ಕಾಂಗ್ರೆಸ್ ಕಾರ್ಯಕರ್ತರಿಗೆ ಸಿಎಂ ಎದುರೇ ಬಿಜೆಪಿ ಶಾಸಕಿ ಮಂಜುಳಾ ಲಿಂಬಾವಳಿ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಕಾರ್ಯಕ್ರಮದಲ್ಲಿ ಭಾಷಣ ಮಾಡುವಾಗ, ಕ್ಷೇತ್ರದಲ್ಲಿ ತಾವು ಮಾಡಿರುವ ಕೆಲಸಗಳ ಬಗ್ಗೆ ಶಾಸಕಿ ಮಂಜುಳಾ ಲಿಂಬಾವಳಿ ವಿವರಣೆ ಕೊಡ್ತಿದ್ದರು. ಈ ವೇಳೆ ಕಾರ್ಯಕ್ರಮದಲ್ಲಿ ಕೂತಿದ್ದ ಕಾರ್ಯಕರ್ತರು ಆಕ್ಷೇಪ ವ್ಯಕ್ತಪಡಿಸಿ ಗದ್ದಲ ಎಬ್ಬಿಸಿದರು. ಇದರಿಂದ ಸಿಟ್ಟಾದ ಶಾಸಕಿ ಮಂಜುಳಾ ಲಿಂಬಾವಳಿ, ಹಲೋ ನಮಗೂ ಕಾರ್ಯಕರ್ತರಿದ್ದಾರೆ. ನಾವು ಸಮಾವೇಶಗಳನ್ನು ಮಾಡ್ತೀವಿ.

ಕಾಂಗ್ರೆಸ್ ಕಾರ್ಯಕರ್ತರು ನನ್ನ ಭಾಷಣಕ್ಕೆ ತಡೆ ಹಾಕಬೇಡಿ. ಈ ಕ್ಷೇತ್ರದಲ್ಲಿ ನಾನು, ನನ್ನ ಪತಿ ಸಾಕಷ್ಟು ಕೆಲಸ ಮಾಡಿದ್ದೇವೆ. ಇಲ್ಲಿ ಕೆಲಸ ಮಾಡ್ತಿರೋದು ನಾನು. ಕಾಂಗ್ರೆಸ್ ಕಾರ್ಯಕರ್ತರು ನನಗೆ ಹೇಳಲು ಬರಬೇಡಿ, ನೀವು ಕಾಂಗ್ರೆಸ್ ಕಾರ್ಯಕರ್ತರು ಇರಬಹುದು, ಆದ್ರೆ ನನ್ನ ಕ್ಷೇತ್ರದವರು ನೀವು, ನನಗೆ ಸಹಕಾರ ಕೊಡಬೇಕು, ಚುನಾವಣೆ ಬಂದಾಗ ಗೆದ್ದು ಬಂದು ತೋರಿಸಿ, ನಿಮ್ಮ ಈ ಉತ್ಸಾಹ ಎಲೆಕ್ಷನ್ ಸಮಯದಲ್ಲಿರಲಿ ಎಂದು ಸಿಎಂ ಎದುರೇ ಸವಾಲೆಸೆದಿದ್ದಾರೆ.

Dk Shivakumar and manjula limbavali
ಸಂಸತ್ತಿನ ಚಳಿಗಾಲದ ಅಧಿವೇಶನದಲ್ಲಿ ಮಹಿಳಾ ಮೀಸಲು ಅಂಗೀಕಾರ ಸಾಧ್ಯತೆ: ಮಹಿಳೆಯರಿಲ್ಲದ ಪ್ರಜಾಪ್ರಭುತ್ವ ರೆಕ್ಕೆಯಿಲ್ಲದ ಹಕ್ಕಿಯಂತೆ; ಸಿಎಂ

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X