social_icon

ಸರಿಯಾದ ಪಾದರಕ್ಷೆಗಳ ಆಯ್ಕೆ ಏಕೆ ಮುಖ್ಯ? ಫಿಟ್ನೆಸ್ ಗೆ  ಹೊಂದುವ ಶೂಗಳನ್ನು ಆರಿಸುವುದು ಹೇಗೆ?

ಶೂಗಳು ಮತ್ತು ಪಾದರಕ್ಷೆಗಳು ಆರೋಗ್ಯ ಮತ್ತು ಫಿಟ್‌ನೆಸ್‌ಗೆ ಸಹಾಯಕವಾಗಿವೆ. ನಾವು ಸರಾಸರಿ ಜೀವಿತಾವಧಿಯಲ್ಲಿ ಭೂಮಿಯ ಸುತ್ತಳತೆಯ ಐದು ಪಟ್ಟು ಹೆಚ್ಚು ನಡೆಯುತ್ತೇವೆ. ನಮ್ಮ ಪಾದಗಳಿಗೆ ರಕ್ಷಣೆ ನೀಡುವ ಪಾದರಕ್ಷೆಗಳ ಬಗ್ಗೆ ನಾವು ಗಮನ ಹರಿಸುವುದು ಕಡಿಮೆಯೇ.

Published: 16th March 2023 02:44 PM  |   Last Updated: 16th March 2023 06:33 PM   |  A+A-


Shoes

ಚಿತ್ರವನ್ನು ಸಾಂದರ್ಭಿಕವಾಗಿ ಬಳಸಲಾಗಿದೆ

Posted By : Sumana Upadhyaya
Source : The New Indian Express

ಶೂಗಳು ಮತ್ತು ಪಾದರಕ್ಷೆಗಳು ಆರೋಗ್ಯ ಮತ್ತು ಫಿಟ್‌ನೆಸ್‌ಗೆ ಸಹಾಯಕವಾಗಿವೆ. ನಾವು ಸರಾಸರಿ ಜೀವಿತಾವಧಿಯಲ್ಲಿ ಭೂಮಿಯ ಸುತ್ತಳತೆಯ ಐದು ಪಟ್ಟು ಹೆಚ್ಚು ನಡೆಯುತ್ತೇವೆ. ನಮ್ಮ ಪಾದಗಳಿಗೆ ರಕ್ಷಣೆ ನೀಡುವ ಪಾದರಕ್ಷೆಗಳ ಬಗ್ಗೆ ನಾವು ಗಮನ ಹರಿಸುವುದು ಕಡಿಮೆಯೇ. ನಮ್ಮಲ್ಲಿ ಹೆಚ್ಚಿನವರು ವಾಕಿಂಗ್, ಜಾಗಿಂಗ್, ಓಟ, ಜಿಮ್ ಚಟುವಟಿಕೆಗಳಿಗೆ ಹೀಗೆ ಎಲ್ಲಾ ಉದ್ದೇಶಗಳನ್ನು ಪೂರೈಸಲು ಒಂದೇ ಜೋಡಿ ಬೂಟುಗಳನ್ನು ಉಪಯೋಗಿಸುತ್ತಾರೆ, ಆದರೆ ಕ್ರೀಡಾ ಬಯೋಮೆಕಾನಿಕ್ಸ್ ಪ್ರಕಾರ ಇವೆಲ್ಲಾ ಚಟುವಟಿಕೆಗಳಿಗೆ ಬೇರೆ ಬೇರೆ ರೀತಿಯ ಶೂಗಳನ್ನು ನಾವು ಧರಿಸಬೇಕಾಗುತ್ತದೆ. 

ಸರಿಯಾದ ವಾಕಿಂಗ್ ಶೂಗಳು ಸರಿಯಾದ ವಾಕಿಂಗ್ ತಂತ್ರವನ್ನು ನಿರ್ವಹಿಸುವಲ್ಲಿ ಮೂಲಭೂತವಾಗಿವೆ, ಜೊತೆಗೆ ಗಾಯವಾಗುವುದನ್ನು ತಡೆಗಟ್ಟುತ್ತವೆ. ಇದು ಪಾದದ ಸರಿಯಾದ ಬಯೋಮೆಕಾನಿಕ್ಸ್ ನ್ನು ನಿರ್ವಹಿಸುತ್ತದೆ ಮತ್ತು ನಡೆಯುವಾಗ ಪಾದಕ್ಕೆ ಸಂಪರ್ಕಗೊಂಡಿರುವ ಎಲ್ಲಾ ಇತರ ಕೀಲುಗಳನ್ನು ನಿರ್ವಹಿಸುತ್ತದೆ. ವೈಜ್ಞಾನಿಕವಾಗಿ ವಿನ್ಯಾಸಗೊಳಿಸಲಾದ ಆರಾಮದಾಯಕ ಶೂನ ಪ್ರಯೋಜನಗಳು ಅದರ ಮೇಲಿನ ಹೂಡಿಕೆಯ ವೆಚ್ಚಕ್ಕಿಂತ ಹೆಚ್ಚು. 

ಮಸ್ಕ್ಯುಲೋಸ್ಕೆಲಿಟಲ್ ಸಮಸ್ಯೆಗಳ ತೀವ್ರ ಅಥವಾ ದೀರ್ಘಕಾಲದ ಪುನರಾವರ್ತಿತ ಸಮಸ್ಯೆಗಳಾದಂತಹ ಬೆನ್ನು ನೋವು, ಮೊಣಕಾಲು ನೋವು, ಕಾಲು ನೋವು, ವಾಸ್ತವವಾಗಿ ಕುತ್ತಿಗೆ ನೋವು ಮತ್ತು ತಲೆನೋವು ಇತ್ಯಾದಿ ಬರಲು ಹಲವು ಸಂದರ್ಭಗಳಲ್ಲಿ ಸರಿಯಾದ ಶೂ ಮತ್ತು ಪಾದರಕ್ಷೆ ಧರಿಸದಿರುವುದೇ ಕಾರಣವಾಗಿದೆ. ಸರಿಯಾದ ಶೂಗಳು ನಿಮ್ಮ ದೇಹವನ್ನು ಗಾಯದಿಂದ ಸುರಕ್ಷಿತವಾಗಿರಿಸಲು ಸಹಾಯ ಮಾಡುತ್ತದೆ.

ಶೂಗಳು ನಿಸ್ಸಂದೇಹವಾಗಿ ಫಿಟ್ನೆಸ್ಗೆ ಅನುಕೂಲಕಾರಿಗಳಾಗಿವೆ. ಸರಿಯಾದ ಇಂಧನವಿಲ್ಲದಿದ್ದರೆ ನಿಮ್ಮ ಕಾರಿನ ಇಂಜಿನ್‌ಗೆ ಹಾನಿಯಾಗುವ ಸಾಧ್ಯತೆಯಿರುತ್ತದೆ, ಅದೇ ರೀತಿ, ಸರಿಯಾದ ಶೂ ಇಲ್ಲದೆ, ತೀವ್ರ ಗಾಯಗಳಾಗುವ ಸಾಧ್ಯತೆಯಿದೆ. ಧರಿಸುವವರ ಪಾದಗಳಿಗೆ ಉತ್ತಮ ಗುಣಮಟ್ಟದ ಶೂಗಳು ವಿಶಿಷ್ಟವಾದ ಫಿಟ್ ಮತ್ತು ಸೌಕರ್ಯವನ್ನು ಒದಗಿಸುತ್ತವೆ. ಪ್ರತಿ ಶೂ ಹಳೆಯದಾದಂತೆ ಮತ್ತು ನಿರಂತರ ಬಳಕೆಯ ನಂತರ ಹಾಳಾಗಿ ಹೋಗುತ್ತದೆ. 

ಸರಿಯಾದ ಶೂಗಳನ್ನು ಆಯ್ಕೆ ಮಾಡುವಾಗ ಈ ಅಂಶಗಳನ್ನು ಪರಿಗಣಿಸುವುದು ಮುಖ್ಯ
1. ಸ್ಥಿರತೆ: ನಡೆಯುವಾಗ ಉತ್ತಮ ಸ್ಥಿರತೆ ಮತ್ತು ಕಾಲಿಗೆ ಮೆತ್ತಗೆ ಎನಿಸಿಕೊಳ್ಳಬೇಕು. 
2. ಹೊಂದಿಕೊಳ್ಳುವಿಕೆ: ಶೂಗಳು ಸುಲಭವಾದ ಪುಶ್-ಆಫ್ ಹಂತವನ್ನು ಒದಗಿಸಬೇಕು 
3. ಆರಾಮದಾಯಕ: ಶೂ ಸಮರ್ಪಕವಾಗಿ ಹೊಂದಿಕೆಯಾಗಬೇಕು, ವಿಶೇಷವಾಗಿ ಹಿಮ್ಮಡಿ ಮತ್ತು ಮಧ್ಯ ಪಾದದ ಸುತ್ತಲೂ ಟೋ-ಆಫ್ ಮಾಡಲು ಸ್ವಲ್ಪ ಸ್ಥಳಾವಕಾಶವಿರಬೇಕು. 

ತಪ್ಪಾದ ಶೂಗಳು ದೇಹಕ್ಕೆ ಹಾನಿಯನ್ನುಂಟುಮಾಡುತ್ತವೆ

ತಪ್ಪಾಗಿ ಹೊಂದಿಕೆಯಾಗದ ಪಾದರಕ್ಷೆಗಳ ಧರಿಸುವಿಕೆ ದೇಹದಲ್ಲಿ ದೀರ್ಘಾವಧಿಯ ಕ್ರಿಯಾತ್ಮಕ ಮತ್ತು ರಚನಾತ್ಮಕ ಬದಲಾವಣೆಗೆ ಕಾರಣವಾಗುತ್ತದೆ. 

ಬಿಗಿಯಾದ ಮೊನಚಾದ ಬೂಟುಗಳು ಕಾರ್ನ್‌ಗಳು, ಬನಿಯನ್‌ಗಳು ಮತ್ತು ಹ್ಯಾಮರ್ ಮತ್ತು ಪಂಜದ ಕಾಲ್ಬೆರಳುಗಳು, ಅಡ್ಡ-ಮೇಲ್ಬೆರಳುಗಳು, ಕಾಲ್ಬೆರಳ ಉಗುರುಗಳಂತಹ ಇತರ ವಿರೂಪಗಳಿಗೆ ಕಾರಣವಾಗಬಹುದು. ತಪ್ಪಾಗಿ ಹೊಂದಿಕೊಳ್ಳುವ ಬೂಟುಗಳಿಂದ ವಯಸ್ಸಾದವರು ಬೀಳುವ ಹೆಚ್ಚಿನ ಸಾಧ್ಯತೆಗಳಿವೆ. 

ಹೈ ಹೀಲ್ಸ್ ಪಾದರಕ್ಷೆ ಧರಿಸುವುದರಿಂದ ಬೆನ್ನು ನೋವು, ತಲೆನೋವು, ಪಾದದ ಗಾಯಗಳು, ಉಳುಕು ಮತ್ತು ಪ್ಲ್ಯಾಂಟರ್ ಫ್ಯಾಸಿಟಿಸ್ಗೆ ಕಾರಣವಾಗಬಹುದು.

ಸರಿಯಾದ ಶೂಗಳನ್ನು ಆಯ್ಕೆ ಮಾಡುವುದು ಹೇಗೆ?

ನೀವು ನಿಯಮಿತವಾಗಿ ಧರಿಸುವ ಸಾಕ್ಸ್‌ಗಳ ಪ್ರಕಾರದ ಬೂಟುಗಳನ್ನು ಪ್ರಯತ್ನಿಸಿ. ಇ-ಕಾಮ್ ವೇಗವಾಗಿ ಬೆಳೆಯುತ್ತಿರುವುದರಿಂದ, ಟ್ರೆಂಡಿಯರ್ ಆಗಿ ಕಾಣಲು ಅಗ್ಗದ ಶೂಗಳನ್ನು ಆಯ್ಕೆ ಮಾಡಿಕೊಳ್ಳಬಾರದು. ಪಾದಗಳ ವಿಷಯಕ್ಕೆ ಬಂದಾಗ, ಶೂಗಳ ಸಂಖ್ಯೆಗಿಂತ ಶೂಗಳ ಗುಣಮಟ್ಟವು ಹೆಚ್ಚು ಮುಖ್ಯವಾಗಿದೆ. 

ಬೂಟುಗಳನ್ನು ಖರೀದಿಸುವಾಗ, ನಿಂತುಕೊಂಡು ನಿಮ್ಮ ಪಾದಗಳ ಅಳತೆಯನ್ನು ಪರಿಶೀಲಿಸಿ, ಏಕೆಂದರೆ, ನಿಮ್ಮ ಪಾದವು ಈ ಸ್ಥಿತಿಯಲ್ಲಿ ಗರಿಷ್ಠ ಹಿಗ್ಗುವಿಕೆಗೆ ಹೋಗುತ್ತದೆ. ನಿಮ್ಮ ಪಾದವನ್ನು ಮೇಲಕ್ಕೆ/ಕೆಳಗೆ, ಒಳಗೆ ಮತ್ತು ಹೊರಗೆ ಚಲಿಸಿದಾಗ, ಶೂ ಹೊರಗೆ ಬರಬಾರದು. ನಿಮ್ಮ ಬೆರಳನ್ನು ಮೇಲಕ್ಕೆ ಮತ್ತು ಕೆಳಕ್ಕೆ ಚಲಿಸಲು ನಿಮಗೆ ಸಾಧ್ಯವಾಗಬೇಕು. ಸಾಕಷ್ಟು ಪ್ಯಾಡಿಂಗ್ ಅದೇ ಸಮಯದಲ್ಲಿ ಹೀಲ್ ಮೇಲೆ ಹಿತಕರವಾದ ಫಿಟ್ ಅಗತ್ಯವಿರುತ್ತದೆ ಮತ್ತು ಮಿಡ್ಫೂಟ್ ಹೆಚ್ಚು ದೂರ ಆರಾಮವಾಗಿ ನಡೆಯಲು ಸಹಾಯ ಮಾಡುತ್ತದೆ. 


Stay up to date on all the latest ಜೀವನಶೈಲಿ news
Poll
Khalistani militant Hardeep Singh Nijjar

ಸಿಖ್ ಪ್ರತ್ಯೇಕತಾವಾದಿ ನಿಜ್ಜರ್ ಹತ್ಯೆಯಲ್ಲಿ ಭಾರತದ ಪಾತ್ರವಿದೆ ಎಂಬ ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೊ ಅವರ ಆರೋಪವನ್ನು ನೀವು ನಂಬುತ್ತೀರಾ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp