ಮಿಜೋರಾಂ ಸಾಕ್ಷರತಾ ಪ್ರಮಾಣ ೯೧.೩೩%

ಐಜಾವ್ಲ್: ಮಿಜೋರಾಂನ ಸಾಕ್ಷರತಾ ಪ್ರಮಾಣ ೯೧.೩೩%ಗೆ ಏರಿದ್ದು, ಕೇರಳ ಮತ್ತು ಲಕ್ಷದ್ವೀಪದ ನಂತರ ಮೂರನೇ ಸ್ಥಾನದಲ್ಲಿದೆ ಎಂದು ರಾಜ್ಯದ ಸಚಿವರೊಬ್ಬರು ತಿಳಿಸಿದ್ದಾರೆ.

ಮಿಜೋರಾಂ ಕೇಂದ್ರದ ಸರ್ಚಿಪ್ ಜಿಲ್ಲೆಯಲ್ಲಿ ೯೭.೯೧% ನೊಂದಿಗೆ ಅತಿ ಹೆಚ್ಚು ಸಾಕ್ಷರತಾ ಪ್ರಮಾಣವನ್ನು ಸಾಧಿಸಿದ್ದು, ನಂತರ ಐಜಾವ್ಲ್ ನಲ್ಲಿ ೯೭.೮೯% ಸಾಕ್ಷರತೆಯನ್ನು ಸಾಧಿಸಲಾಗಿದೆ ಎಂದು ಶಿಕ್ಷಣ ಸಚಿವ ಎಚ್ ರೋಹ್ಲುನಾ ರಾಜ್ಯ ವಿಧಾನಸಭೆಯಲ್ಲಿ ತಿಳಿಸಿದ್ದಾರೆ.

ರಾಜ್ಯದಲ್ಲಿ ಅತಿ ಕಡಿಮೆ ಸಾಕ್ಷರತೆ ದಕ್ಷಿಣದ ಲಾಂಗ್ಟಲೈ ಜಿಲ್ಲೆಯಲ್ಲಿ ೬೫.೮೮% ಇದೆ. ಮಿಜೋರಾಂ-ಬಾಂಗ್ಲಾದೇಶ-ತ್ರಿಪುರಾ ಗಡಿಯಲ್ಲಿರುವ ಮಾಮಿತ್ ಜಿಲ್ಲೆ ಮತ್ತು ಲುಂಗ್ಲೈ ಜಿಲ್ಲೆಗಳಲ್ಲಿ ಕ್ರಮವಾಗಿ ೮೪.೩% ಮತ್ತು ೮೮.೮೬% ಸಾಕ್ಷರತೆ ಇದೆ.

ರಾಜ್ಯದಲ್ಲಿ, ಅದರಲ್ಲೂ ಲಾಂಗ್ಟಲೈ, ಮಾಮಿತ್ ಮತ್ತು ಲುಂಗ್ಲೈ ಜಿಲ್ಲೆಗಳಲ್ಲಿ ಸಾಕ್ಷರತೆ ಪ್ರಮಾಣವನ್ನು ಹೆಚ್ಚಿಸಲು ಎನ್ ಜಿ ಒ ಗಳು ಮತ್ತು ಚರ್ಚಿನ ಉಪಾಧ್ಯಾಯರುಗಳೊಂದಿಗೆ ಕೂಡಿಕೊಂಡು ಹೆಚ್ಚಿನ ಪ್ರಯತ್ನ ಮಾಡುತ್ತಿದ್ದೇವೆ ಎಂದು ತಿಳಿಸಿದ್ದಾರೆ.