ಬಾಗ್ದಾದ್: ಅಮೆರಿಕ ಮತ್ತು ಮಿತ್ರರಾಷ್ಟ್ರಗಳ ಸತತ ದಾಳಿಯ ಹೊರತಾಗಿಯೂ ಇರಾಕ್‌ನ ಮೊಸುಲ್‌ನಲ್ಲಿ ಪರಿಸ್ಥಿತಿ ಸಾಮಾನ್ಯವಾಗಿದೆ ಎಂಬ ಚಿತ್ರಣವನ್ನು ವಿಶ್ವಕ್ಕೆ ನೀಡಲು ಇಸಿಸ್ ಮುಂದಾಗಿದೆ.
ಅದಕ್ಕಾಗಿ ತಾನು ಅಪಹರಿಸಿರುವ ಬ್ರಿಟನ್ ಪತ್ರಕರ್ತ ಜಾನ್ ಕ್ಯಾಂಟಿಲ್ ಸುದ್ದಿವಾಹಿನಿಗೆ ವರದಿ ಮಾಡುವ ಶೈಲಿಯಲ್ಲಿ ವಿವರಣೆ ನೀಡುವ ಪ್ರಯತ್ನ ಮಾಡಿದೆ. ಮೊಸುಲ್‌ನ ಜನನನಿಭಿಡ ರಸ್ತೆಗಳಲ್ಲಿ ಕಾರು ಡ್ರೈವಿಂಗ್ ಮಾಡಿಕೊಂಡು, ಜನರು ತಮ್ಮ ತಮ್ಮ ಕೆಲಸಗಳಲ್ಲಿ ನಿರತರಾಗಿದಗ್ದಾರೆ. ಮಿತ್ರ ರಾಷ್ಟ್ರಗಳ ಪಡೆಗಳ ದಾಳಿಯಿಂದ ಜನ ಭೀತಿಗೆ ಒಳಗಾಗಿಲ್ಲ. ಸಿರಿಯಾ ದಾಳಿ ಹೊರತಾಗಿಯೂ ಸುನ್ನಿ ಮುಸ್ಲಿಮರು ಹಾಯಾಗಿದ್ದಾರೆ ಎಂದು ಇಸಿಸ್ ಕ್ಯಾಂಟಿಲ್ ಮೂಲಕ ಹೇಳಿಸಿದೆ.
