ನವದೆಹಲಿ: ನ್ಯೂಯಾರ್ಕ್ ಗ್ಲೋಬಲ್ ಗ್ರೂಪ್ ನ ಸಿಇಒ ಬೆಂಜಮಿನ್ ವೇಯ್ ವಿರುದ್ಧ ಲೈಂಗಿಕ ಕಿರುಕುಳ ನೀಡಿರುವ ಆರೋಪದಡಿ ಮೊಕದ್ದಮೆ ದಾಖಲಾಗಿದೆ.
ಸ್ವೀಡನ್ ನ ಮಾಜಿ ರೂಪದರ್ಶಿ ಬೆಂಜಮಿನ್ ವೇಯ್ ವಿರುದ್ಧ ಪ್ರಕರಣ ದಾಖಲಿಸಿದ್ದು 850 ಮಿಲಿಯನ್ ಡಾಲರ್ ನೀಡಬೇಕೆಂದು ಬೇಡಿಕೆ ಇಟ್ಟಿದ್ದಾಳೆ, ಅನುಭವದ ಕೊರತೆ ಇದ್ದರೂ ನ್ಯೂಯಾರ್ಕ್ ಗ್ಲೋಬಲ್ ಗ್ರೂಪ್ ನ ಸಿಇಒ ಬೆಂಜಮಿನ್ ವೇಯ್, 2013 ರಲ್ಲಿ ಹಾನ್ನಾ ಬೋವೆಂಗ್ ನ್ನು ನ್ಯೂಯಾರ್ಕ್ ಗ್ಲೋಬಲ್ ಗ್ರೂಪ್ ನ ಮಾರ್ಕೆಟಿಂಗ್ ವಿಭಾಗದ ಮುಖ್ಯಸ್ಥೆಯಾಗಿ ನೇಮಿಸಿದ್ದರು. ಆದರೆ ಆಕೆ ಹೆಚ್ಚು ನೈಟ್ ಕ್ಲಬ್ ಗಳಲ್ಲಿ ಕಾಲ ಕಳೆಯುತ್ತಿದ್ದರಿಂದ ಹನ್ನಾ ಬೋವೆಂಗ್ ಅವರನ್ನು ಮಾರುಕಟ್ಟೆ ಮುಖ್ಯಸ್ಥರ ಸ್ಥಾನದಿಂದ ವಜಾಗೊಳಿಸಲಾಗಿತ್ತು.
ತಮ್ಮ ವಿರುದ್ಧದ ಆರೋಪಕ್ಕೆ ಪ್ರತಿಕ್ರಿಯಿಸಿರುವ ಬೆಂಜಮಿನ್ ವೇಯ್, ವಜಾಗೊಳಿಸುವವರೆಗೂ ಮಾಜಿ ರೂಪದರ್ಶಿ ಪ್ರಕರಣ ದಾಖಲಿಸಿರಲಿಲ್ಲ, ಮಾರ್ಕೇಟಿಂಗ್ ವಿಭಾಗದ ಮುಖ್ಯಸ್ಥರ ಸ್ಥಾನದಿಂದ ವಜಾಗೊಳಿಸಿದ ನಂತರ ತಮ್ಮ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ ಎಂದು ಹೇಳಿದ್ದಾರೆ. ಪ್ರಕರಣ ಇತ್ಯರ್ಥವಾಗದೆ ಇದ್ದರೆ, ಕಾನೂನು ಜಾರಿ ಮಾಡಿಸುವುದಾಗಿ ಹನ್ನಾ ಬೆದರಿಕೆ ಹಾಕಿದ್ದರು ಎಂದು ತಿಳಿದುಬಂದಿದೆ.
ಅಲ್ಲದೇ ತಮ್ಮ ವಿರುದ್ಧ ಆರೋಪ ಮಾಡಿರುವ ಮಾಜಿ ರೂಪದರ್ಶಿಯನ್ನು ವೇಶ್ಯೆ ಎಂದು ಹೇಳಿರುವ ವೇಯ್, ಆಕೆ ಕೊಕೇನ್ ಡೀಲರ್ ನೊಂದಿಗೆ ಸುತ್ತಾಡುತ್ತಿರುತ್ತಾಳೆ ಎಂದು ತಾವೇ ನಡೆಸುತ್ತಿರುವ ಬೋಲ್ಟ್ ಎಂಬ ಪತ್ರಿಕೆಯಲ್ಲಿ ಬರೆದಿದ್ದಾರೆ.
