20 ವರ್ಷ ಹಳೆಯ ಅಮೆರಿಕ ಉಪಗ್ರಹ ಅಂತರಿಕ್ಷದಲ್ಲೇ ಸ್ಫೋಟ!

ನ್ಯೂಯಾರ್ಕ್: ಇಪ್ಪತ್ತು ವರ್ಷಗಳ ಹಳೆಯ ಅಮೆರಿಕದ ಮಿಲಿಟರಿ ಹವಾಮಾನ ಉಪಗ್ರಹವೊಂದು ಅಂತರಿಕ್ಷದಲ್ಲೇ ಸ್ಫೋಟಗೊಂಡಿದೆ.

1995ರಲ್ಲಿ ಉಡಾವಣೆಯಾಗಿದ್ದ ಡಿಎಂಎಸ್‘ಪಿ ಎಫ್-13 ಉಪಗ್ರಹವೂ ಇದಾಗಿದ್ದು, ಇಂಧನ ವ್ಯವಸ್ಥೆಯಲ್ಲಿ ಏರುಪೇರಾದ ಹಿನ್ನೆಲೆಯಲ್ಲಿ ಫೆಬ್ರವರಿ 3ರಂದು ಸ್ಫೋಟಗೊಂಡಿದೆ. ಉಪಗ್ರಹ ಸ್ಫೋಟಗೊಂಡು ಸುಮಾರು 43 ತುಂಡುಗಳಾಗಿದೆ.

ಡಿಎಂಎಸ್‘ಪಿ ಎಫ್-13 ಉಪಗ್ರಹವೂ ಭೂಮಿಯಿಂದ 800 ಕಿ.ಮೀ ಮೇಲಿತ್ತು. ಧ್ರುವಪ್ರದೇಶದ ಹವಾಮಾನದ ಬಗ್ಗೆ ನಿರಂತರ ಮಾಹಿತಿ ಕಲೆ ಹಾಕುತ್ತಿತ್ತು. ಇಂಧನ ವ್ಯವಸ್ಥೆಯಲ್ಲಿ ಏರುಪೇರಾದ ಹಿನ್ನೆಲೆಯಲ್ಲಿ ಕಂಟ್ರೋಲ್ ಕಳೆದುಕೊಂಡ ಉಪಗ್ರಹ ಸ್ಫೋಟಗೊಂಡಿದೆ.