26ಕ್ಕೂ ಕಂಪನಕ್ಕೂ ಇದೆಯೇ ನಂಟು?

ನವದೆಹಲಿ: ಇದು ಕಾಕತಾಳೀಯವೋ ಅಥವಾ ನಿಜಕ್ಕೂ ಹಾಗೇನಾದರೂ ಸಂಬಂಧವಿದೆಯೋ ಗೊತ್ತಿಲ್ಲ. ಭೂಕಂಪಕ್ಕೂ ದಿನಾಂಕ 26ಕ್ಕೂ ಹಲವು ದಶಕಗಳ ನಂಟಿದೆ.

ಭೂಕಂಪ ಮಾತ್ರವಲ್ಲ, ಹಲವು ನೈಸರ್ಗಿಕ ವಿಕೋಪಗಳು 26ನೇ ತಾರೀಕಿನಂದೇ ಸಂಭವಿಸಿವೆ. 13 ಅಪಶಕುನದ ಸಂಖ್ಯೆ ಅಂತಾರೆ. ಇದು ಹದಿಮೂರರ ಡಬಲ್. ಅಂದ್ರೆ ದುಪ್ಪಟ್ಟು ಅಪಶಕುನ ಅಂತಿರಬಹುದಾ? ಇರಲಿ ಈ ಪಟ್ಟಿಯನ್ನೊಮ್ಮೆ ಗಮನಿಸಿ. 

ಇದೆಲ್ಲದರ ಜೊತೆ ಮುಂಬೈಯನ್ನು ನಡುಗಿಸಿದ ಉಗ್ರದಾಳಿಯೂ 2008ರ ನ.26ರಂದೇ ನಡೆದಿದೆ. ಕ್ರಕಟವ್‍ನಲ್ಲಿ ಜ್ವಾಲಾಮುಖಿ ಸ್ಫೋಟ ನಡೆದದ್ದು ಆ.26ರಂದು. ಮೆರಾಪಿ ಜ್ವಾಲಾಮುಖಿ ಸ್ಫೋಟಿಸಿದ್ದು ಅ.26ರಂದು. ಮೆಂಟಾವಾಯ್ ಸುನಾಮಿ ಅ.26ರಂದೇ ಅಪ್ಪಳಿಸಿತ್ತು. 

ಮುಂಬೈ ಪ್ರವಾಹ ಸಂಭವಿಸಿದ್ದೂ ಜು.26ರಂದೇ! ಸಾವಿರ ಸಾವುಗಳಿಗೆ ಕಾರಣವಾದ ಸಬಾ ಟೈಡಲ್ ವೇವ್ಸ್ 1996ರ ಡಿ.26ರಂದೇ ಸಂಭವಿಸಿತ್ತು. ಇದೀಗ ಮತ್ತೊಂದು 26, ಅಂದರೆ ಅಕ್ಟೋಬರ್ 26 ಮತ್ತೊಂದು ಭೂಕಂಪಕ್ಕೆ ಸಂಭವಿಸಿದೆ.

ಚೀನಾ ಭೂಕಂಪ 26-7-1976

ಗುಜರಾತ್ ಭೂಕಂಪ 26-1-2001

ಹಿಂದೂಮಹಾಸಾಗರ ಸುನಾಮಿ 26-12-2004

ತೈವಾನ್ ಭೂಕಂಪ 26-7-2010

ಜಪಾನ್ ಭೂಕಂಪ 26-2-2010

ಚೀನಾ ಭೂಕಂಪ 26-4-2015

ರೋಡ್ಸ್ ಭೂಕಂಪ 26-6-1926

ಯುಗೋಸ್ಲಾವಿಯಾ 26-7-1963

ಇರಾನ್ ಭೂಕಂಪ 26-12-2003

ಉತ್ತರ ಅಮೆರಿಕ 26-1-1700

ಟರ್ಕಿ ಭೂಕಂಪ 26-12-1939

ಪೋರ್ಚುಗಲ್ 26-1-1951

ತಾಸಿಕ್ 26-6-2010

ಚೀನಾದ ಕಾನ್ಸೂ 26-12-1932