ನವದೆಹಲಿ: ಭಾರತದ ಮಧ್ಯಮ ವರ್ಗದ ಜನರಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರೇ ಜನಪ್ರಿಯರಾಗಿದ್ದಾರೆ ಎಂದು ಸಮೀಕ್ಷಾ ವರದಿಯೊಂದು ಹೇಳಿದೆ. ಈ ಸಮೀಕ್ಷೆಯಲ್ಲಿ ಮೋದಿ ನೇತೃತ್ವದ ಎನ್‌ಡಿಎ ಆಡಳಿತದ ಕಾರ್ಯವೈಖರಿಯ ಬಗ್ಗೆ ವಿಶ್ಲೇಷಣೆ ಮಾಡಿ ಅದಕ್ಕೆ ಅಂಕವನ್ನೂ ನೀಡಲಾಗಿದೆ.
ಆರ್ಥಿಕ ಸುಧಾರಣೆ
ಇಟಿ ಟಿಎನ್‌ಎಸ್ ಸಮೀಕ್ಷೆಯ ಪ್ರಕಾರ ಭಾರತದ ಆರ್ಥಿಕ ಸಾಮರ್ಥ್ಯ ಶೇ.8.6 ರಷ್ಟು ಇದೆ.
ಉದ್ಯೋಗ ಸೃಷ್ಟಿ
ಮೋದಿ ಸರ್ಕಾರವು ಶೇ.62 ರಷ್ಟು ಉದ್ಯೋಗ ಸೃಷ್ಟಿಸಿದೆ
ಮುಂದೆ ಅಚ್ಛೇ ದಿನ ಬರಲಿದೆ
ಸಮೀಕ್ಷೆಯ ಪ್ರಕಾರ ಶೇ.58ರಷ್ಟು ಮಂದಿ ಅಚ್ಛೇದಿನ್‌ನಲ್ಲಿ ನಂಬಿಕೆಯಿರಿಸಿದ್ದು, ಭವಿಷ್ಯದಲ್ಲಿ ಒಳ್ಳೆಯ ದಿನ ಬರಲಿದೆ ಎಂಬ ಆಶಾವಾದವನ್ನಿಟ್ಟುಕೊಂಡಿದ್ದಾರೆ.
ಜೆಎನ್‌ಯು ವಿವಾದ: ಕಾಂಗ್ರೆಸ್ ಹೊಣೆ
ಜೆಎನ್‌ಯು ವಿವಾದಕ್ಕೆ ಕಾಂಗ್ರೆಸ್ಸೇ ಹೊಣೆ ಎಂದು ಶೇ.46 ರಷ್ಟು ಜನ ಅಭಿಪ್ರಾಯ ಪಟ್ಟಿದ್ದಾರೆ ಎಂದು ಸಮೀಕ್ಷೆಯಲ್ಲಿ ಹೇಳಲಾಗಿದೆ. ಅದೇ ವೇಳೆ ಈ ವಿವಾದಕ್ಕೆ ತಕ್ಕ ಕ್ರಮ ತೆಗೆದುಕೊಂಡು ಮೋದಿ ಸರ್ಕಾರ ಇದನ್ನು ಸಮರ್ಥವಾಗಿ ನಿಭಾಯಿಸಿದೆ ಎಂದು ಶೇ.52 ಮಂದಿ ಅಭಿಪ್ರಾಯಪಟ್ಟಿದ್ದಾರೆ.
ಪ್ರಧಾನಿ ಮೋದಿಯೇ ಜನಪ್ರಿಯ ನಾಯಕ
ಸಮೀಕ್ಷೆಯ ಪ್ರಕಾರ ಪ್ರಧಾನಿ ಮೋದಿಯೇ ಜನಪ್ರಿಯ ನಾಯಕರಾಗಿದ್ದಾರೆ. ಜನಪ್ರಿಯತೆಗೆ ನೀಡುವ 10 ಅಂಕಗಳಲ್ಲಿ 7.68 ಅಂಕ ಪಡೆದು ಮೋದಿ ಮೊದಲ ಸ್ಥಾನದಲ್ಲಿದ್ದರೆ ರಾಹುಲ್ ಗಾಂಧಿಗೆ 3.61 ಅಂಕ ಲಭಿಸಿದೆ. ಅದೇ ವೇಳೆ ಅರುಣ್ ಜೇಟ್ಲಿಗೆ 5.86 ಅಂಕಗಳು ಲಭಿಸಿದೆ
