ಕೊಚ್ಚಿ: 10 ವರ್ಷದ ಬಾಲಕನೊಬ್ಬನ್ನು ಮಾನಸಿಕವಾಗಿ ಅಸ್ವಸ್ಥನಾಗಿದ್ದ ನೆರೆಮನೆಯಾದ ಚಾಕುವಿನಿಂದ ಇರಿದು ಹತ್ಯೆ ಮಾಡಿರುವ ಘಟನೆಯೊಂದು ಮಂಗಳವಾರ ನಡೆದಿದೆ.
ರಿಸ್ಟಿ (10) ಹತ್ಯೆಯಾದ ಬಾಲಕ. ಅಜಿ ದೇವಾಸಿಯಾ (40) ಹತ್ಯೆ ಮಾಡಿದ ವ್ಯಕ್ತಿ. ಇಂದು ಬೆಳಿಗ್ಗೆ ಹಾಲು ತರುವ ಸಲುವಾಗಿ ಮನೆಯ ಬಳಿಯಿದ್ದ ಅಂಗಡಿಗೆ ಬಾಲಕ ಹೋಗಿದ್ದಾನೆ. ಈ ವೇಳೆ ಹಾಲು ತೆಗೆದುಕೊಂಡು ಬರುತ್ತಿದ್ದ ಬಾಲಕನನ್ನು ನೋಡಿದ್ದ ಅಜಿ ಇದ್ದಕ್ಕಿದ್ದಂತೆ ಬಾಲಕನ ಮೇಲೆ ಚಾಕುವಿನಿಂದ ಹಲ್ಲೆ ಮಾಡಿದ್ದಾನೆ.
ಬಾಲಕನ ಕುತ್ತಿಗೆ ಅಜಿ 17 ಬಾರಿ ಇರಿದಿದ್ದು, ಬಾಲಕ ತೀವ್ರವಾಗಿ ಗಾಯಗೊಂಡಿದ್ದಾನೆ. ಇದರಂತೆ ಕುಟುಂಬಸ್ಥರು ಬಾಲಕನ್ನು ಎರ್ನಾಕುಲಂ ಜನರಲ್ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಷ್ಟರಲ್ಲಾಗಲೇ ಬಾಲಕ ಮೃತಪಟ್ಟಿದ್ದಾನೆಂದು ವೈದ್ಯರು ಹೇಳಿದ್ದಾರೆ.
ಇನ್ನು ಪ್ರಕರಣ ದಾಖಲಿಸಿಕೊಂಡಿರುವ ಎರ್ನಾಕುಲಂ ಪೊಲೀಸರು, ಹತ್ಯೆ ಮಾಡಿದ ಅಜಿ ದೇವಾಸಿಯಾ ಮಾನಸಿಕ ಅಸ್ವಸ್ಥನಾಗಿದ್ದ ಎಂದು ಹೇಳಿದ್ದಾರೆ.
Advertisement