ನೌಕಾಪಡೆಗೆ ಸೇರ್ಪಡೆಗೊಳ್ಳಲಿರುವ ಜಲಾಂತರ್ಗಾಮಿ ಕಲವರಿ ಪರೀಕ್ಷೆಗೆ ಸಿದ್ಧ

ನವದೆಹಲಿ: ಭಾರತ ನಿರ್ಮಿತ ಜಲಾಂತರ್ಗಾಮಿ ಕಲವರಿ ನೌಕಾಪಡೆ ಪರೀಕ್ಷಾರ್ಥವಾಗಿ ಭಾನುವಾರ ಸಮುದ್ರಕ್ಕಿಳಿಯಲಿದೆ.

ಇದೇ ಮೊದಲ ಬಾರಿಗೆ ಸಮುದ್ರಕ್ಕೆ ಇಳಿಯಲಿರುವ ಕಲವರಿ ಜಲಾಂತರ್ಗಾಮಿಯನ್ನು ಹಲವು ರೀತಿಯ ಪರೀಕ್ಷೆಗಳಿಗೆ ಒಳಪಡಿಸಲಾಗುತ್ತದೆ. ಸತತ ಐದಾರು ತಿಂಗಳುಗಳ ಕಾಲ ಪರೀಕ್ಷೆ ನಡೆಯಲಿದ್ದು, ಈ ವೇಳೆ ಜಲಾಂತರ್ಗಾಮಿಯ ಸೆನ್ಸರ್ ಗಳ ದಕ್ಷತೆ ಮತ್ತ ಕ್ಷಿಪಣಿಗಳ ಉಡಾವಣೆಯ ಸಾಮರ್ಥ್ಯವನ್ನು ಪರೀಕ್ಷಿಸಲಾಗುತ್ತದೆ.

ಹಲವು ಕಠಿಣ ಪರೀಕ್ಷೆಗಳಿಗೆ ಒಳಪಡುವ ಕಲವರಿ ಸೆಪ್ಟೆಂಬರ್ ನಲ್ಲಿ ನೌಕಾಪಡೆಗೆ ಸೇರ್ಪಡೆಯಾಗಲಿದೆ.